മോഡിയെ പിന്തുണച്ച് നമോ ഗാനവുമായി മോഡല്‍ മേഘ്‌നാ പട്ടേല്‍ വീണ്ടും രംഗത്ത്‌

ന്യൂഡല്‍ഹി: ബിജെപിയുടെ പ്രധാനമന്ത്രി സ്ഥാനാര്‍ഥി നരേന്ദ്ര മോഡിക്ക് പിന്തുണ അഭ്യര്‍ഥിച്ച് അര്‍ദ്ധനഗ്നയായി ബോളിവുഡ് മോഡല്‍ മേഘ്‌നാ പട്ടേല്‍ പ്രത്യക്ഷപ്പെട്ടത് വലിയ വാര്‍ത്തയായിരുന്നു.

വോട്ട് ഫോര്‍ മോഡി എന്നെഴുതിയ പ്ലക്കാര്‍ഡുമായി വിവസ്ത്രയായി നില്‍ക്കുന്ന മേഘ്‌നയുടെ ഫോട്ടോകള്‍ സോഷ്യന്‍ നെറ്റ് വര്‍ക്കിങ് സൈറ്റുകളില്‍ വന്‍ ഹിറ്റായി. നഗ്നത മറയ്ക്കാന്‍ മേഘ്‌ന ഉപയോഗിച്ചിരിക്കുന്നത് ബിജെപിയുടെ പാര്‍ട്ടി ചിഗ്നമായ താമരയും!

മേഘ്‌നയുടേത് വേറും ആവേശം മാത്രമാണെന്ന് കരുതിയവര്‍ക്ക് തെറ്റി. മോഡിയെ പ്രധാനമന്ത്രിയാക്കിയെ മേഘ്‌ന അടങ്ങു! മോഡിക്ക് വോട്ട് ചെയ്യണമെന്ന് അഭ്യര്‍ഥിച്ച് പുതിയ സംഗീത ആല്‍ബം പുറത്തിറക്കിയിരിക്കുകയാണ് മേഘ്‌ന. ആല്‍ബത്തില്‍ മോഡിയുടെ നേട്ടങ്ങളും മതസൗഹാര്‍ദ്ദ നിലപാടുകളെയും പ്രകീര്‍ത്തിക്കുന്ന പാട്ടുപാടി അഭിനയിച്ചാണ് മേഘ്‌ന വോട്ട് അഭ്യര്‍ഥിക്കുന്നത്. പ്രധാനമായും മുസ്ലിം വിശ്വാസികളെ ലക്ഷ്യം വച്ചാണ് ആല്‍ബം പുറത്തിറക്കിയിരിക്കുന്നത്. മുസ്ലിം വിശ്വാസികള്‍ മോഡിക്ക് വോട്ടു ചെയ്യണമെനന് ആല്‍ബത്തിലൂടെ മേഘ്‌ന അഭ്യര്‍ഥിക്കുന്നുണ്ട്. എല്ലാ മതവിശ്വാസികള്‍ക്കും സന്തോഷത്തോടെയും സമാധാനത്തോടെയും കഴിയണമെങ്കില്‍ മോഡി അധികാരത്തില്‍ വരണമെന്നും മേഘ്‌ന പറയുന്നു.

റിദേഷ് കാംബ്ലിയാണ് സംഗീത ആല്‍ബത്തിന്റെ സംവിധായകന്‍. മേഘ്‌നയ്‌ക്കൊപ്പം സപന്‍ കുമാറാണ് ഗാനം ആലപിച്ചിരിക്കുന്നത്. വിവിധ വര്‍ണവസ്ത്രങ്ങളണിഞ്ഞാണ് മേഘ്‌ന പ്രത്യക്ഷപ്പെടുന്നത്. മോഡിയുടെ ചിത്രവും ബിജെപിയുടെ ചിഹ്നവും ഗാനരംഗങ്ങളില്‍ നിറഞ്ഞു നില്‍ക്കുന്നു. ഒരോരുത്തരുടെയും വോട്ട് വളരെ പ്രധാനപ്പെട്ടതാണ്. എല്ലാവരും ബുദ്ധിപൂര്‍വ്വം അത് ഉപയോഗിക്കണം.രാജ്യത്തെ മുഴുവന്‍ മുസ്്‌ലിങ്ങളും മോഡിക്ക് വോട്ടുചെയ്യണമെന്നാണ് എന്റെ ആഗ്രഹം. മോഡിയാണ് ഇന്ത്യയെ നയിക്കാന്‍ ഏറ്റവും യോഗ്യനെന്നും മേഘ്‌ന പറയുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Model, Megna, Modi, Album.