'സോളാര്‍ സ്വപ്നം' ട്രെയിലര്‍ പുറത്തിറങ്ങി

കൊച്ചി: കേരള രാഷ്ട്രീയത്തെ പിടിച്ചുകുലുക്കിയ സോളാര്‍ വിവാദത്തെക്കുറിച്ചുള്ള സിനിമയുടെ ട്രെയിലര്‍ പുറത്തിറങ്ങി. സോളാര്‍ സ്വപ്‌നം എന്ന് പേരിട്ടിരിക്കുന്ന ചിത്രത്തിന്റെ ട്രെയിലര്‍ പ്രേക്ഷകശ്രദ്ധയാകര്‍ഷിക്കുകയാണ്.

ജോയ് ആന്റണിയാണ് സംവിധാനം നിര്‍വഹിച്ചിരിക്കുന്നത്. ജെറീഷ് മാത്യു നിര്‍മ്മിച്ച ചിത്രം ഏപ്രില്‍ 14 റിലീസ് ചെയ്യുമെന്നാണ് അറിയുന്നത്. അതേസമയം, ചിത്രത്തിന്റെ റിലീസ് തടയണം എന്നാവശ്യപ്പെട്ട് സോളാര്‍ കേസിലെ പ്രതി ബിജു രാധാകൃഷ്ണന്‍ കോടതിയില്‍ പരാതി നല്‍കിയിട്ടുണ്ട്.

തന്നെ വ്യക്തിപരമായി അപമാനിക്കുന്ന രംഗങ്ങള്‍ സിനിമയിലുണ്ടാകുമെന്നാണ് ബിജു രാധാകൃഷ്ണന്‍ ഭയപ്പെടുന്നത്. ചിത്രം പുറത്തിറങ്ങിയാല്‍ തനിക്കും കുടുംബത്തിനും മാനഹാനിയുണ്ടാകുമെന്നും ബിജു കോടതിയില്‍ പറയുന്നു.

സോളാര്‍ സരിതനായര്‍ക്ക് പകരമായി ഹരിതാ നായരും, സോളാര്‍ ബിജുരാധാകൃഷ്ണന് പകരമായി അജയും രംഗത്ത് വരുന്നു. ഹരിതാനായരായി പൂജയും അജയ് ആയി തമിഴ്‌നായകന്‍ ഭൂവനും വേഷമിടുന്നു. ദേവന്‍, സന്തോഷ്, ബോളിവുഡ് നായിക മേഘ്‌നാ പട്ടേല്‍ എന്നിവരും പ്രധാന വേഷത്തിലെത്തുന്നുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Movie, Solar Swapnam.