സ്പീഡ് കാമറകള്‍ മന്ത്രിക്കും കൊടുത്തു പണി

തിരുവനന്തപുരം: കേരളത്തിന്റെ വിവിധ ഭാഗങ്ങളില്‍ സ്പീഡ് കാമറ വച്ചതോടെ കുടുങ്ങുന്നവരില്‍ കൂടുതലും എംഎല്‍എമാരും എസ്‌കോര്‍ട്ട് വാഹനങ്ങളുമെന്ന് റിപ്പോര്‍ട്ട്. സ്‌റ്റേറ്റ് കാര്‍ ഉപയോഗിച്ച് സ്വന്തം വാഹനത്തില്‍ സഞ്ചരിച്ച മന്ത്രിക്കും കിട്ടി പിഴ ഒടുക്കാനുള്ള നോട്ടീസ്. വിഐപികളെ കണ്ടാല്‍ തിരിച്ചറിയാത്ത സ്പീഡ് കാമറയില്‍ കുടുങ്ങിയവരില്‍ മുന്‍ ഗവര്‍ണറും ഉള്‍പ്പെടുന്നു. മന്ത്രിമാരുടെ സ്‌റ്റേറ്റ് കാറുകളെ പിഴയില്‍നിന്ന് ഒഴിവാക്കിയിട്ടുണ്ട്.

എന്നാല്‍ മന്ത്രിമാരുടെ എസ്‌കോര്‍ട്ട് വാഹനങ്ങളെ പിഴയില്‍നിന്ന് ഒഴിവാക്കിയിട്ടുമില്ല. അതുകൊണ്ടുതന്നെ എസ്‌കോര്‍ട്ട് വാഹനങ്ങള്‍ക്ക് ദിനംപ്രതിയെന്നോണമാണ് പിഴ അടയ്ക്കാനുള്ള നോട്ടീസ് ലഭിക്കുന്നത്. ഏറ്റവും കൂടുതല്‍ പിഴ അടയ്ക്കുന്നവരില്‍ മറ്റൊരു വിഭാഗം എംഎല്‍എമാരാണ്. എംഎല്‍എ ബോര്‍ഡുവച്ച കാറില്‍ പാഞ്ഞപ്പോള്‍ നോട്ടീസ് വരുമെന്ന് സ്വപ്‌നത്തില്‍ പോലും കരുതിയിരുന്നില്ല. പോലീസുകാര്‍ കണ്ടാല്‍ സല്യൂട്ട് അടിക്കുകയാണ് പതിവ്. എന്നാല്‍ കാമറയ്ക്കറിയില്ലല്ലോ എംഎല്‍എയെ.

കോട്ടയം ജില്ലയില്‍ നിന്നുള്ള ഒരു ഘടകകക്ഷി എംഎല്‍എ ഇതുവരെ 32 തവണയാണ് ഓവര്‍ സ്പീഡിന് പെറ്റി അടച്ചത്. ആലപ്പുഴയില്‍ നിന്നുള്ള യുവ എംഎല്‍എയെ കുടുങ്ങിയത് 28 തവണയാണ്. കൊല്ലം ജില്ലയില്‍ നിന്നുള്ള പ്രതിപക്ഷത്തെ ഒരു പ്രമുഖനു കിട്ടിത് 18 നോട്ടീസുകളാണ്. അതേസമയം അമിത വേഗത്തിനുള്ള പിഴ കൂടുതലും അടയ്‌ക്കേണ്ടി വരുന്നത് അന്യസംസ്ഥാന ടൂറിസ്റ്റ് വാഹനങ്ങള്‍ക്കാണ്. കാമറകള്‍ എവിടെയുണ്ടെന്ന് വ്യക്തമായ ധാരണയില്ലാത്തതാണ് കാരണം.

സംസ്ഥാനത്തിന്റെ വിവിധ ഭാഗങ്ങളിലായി നൂറിലധികം കാമറകളാണ് സ്ഥാപിച്ചിട്ടുള്ളത്. പ്രതിദിനം രണ്ടായിരത്തോളം പേരാണ് കാമറകളില്‍ കുടുങ്ങുന്നത്. നോട്ടീസ് കിട്ടിയതിന്റെ പേരില്‍ കണ്‍ട്രോള്‍ റൂമുകളില്‍ വിളിച്ച് അതൃപ്തി രേഖപ്പെടുത്തിയ രാഷ്ട്രീയ നേതാക്കളും സംസ്ഥാനത്തുണ്ട്. കാമറകള്‍ കണ്ണടയ്ക്കാത്തതിനു ജീവനക്കാരോടാണ് ഇവര്‍ തട്ടിക്കയറിയത്. എന്നാല്‍ മുന്നൂറു രൂപ പിഴയും അടയ്ക്കാന്‍ വൈകിയതിന്റെ ഫൈന്‍ നൂറു രൂപയും നല്‍കാതെ പ്രതിഷേധിച്ച് കുടുങ്ങാന്‍ ഇവരാരും തയാറായിട്ടില്ല. മാധ്യമങ്ങളെ ഭയന്നാണ് പലരും പൊല്ലാപ്പ് ഇരുചെവി അറിയാതെ പിഴയടച്ച് ഒതുക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com