ഫൈജുവിന് നഷ്ടപ്പെട്ട കാടകള്‍ക്ക് പകരമായി 500 കാടകളുമായി സലിംകുമാര്‍; 1000 കോഴികളുമായി പൗള്‍ട്രി ഫാര്‍മേഴ്‌സ്‌

എടപ്പാള്‍: പഠനത്തോടൊപ്പം കാടപ്പക്ഷി വളര്‍ത്തലും നടത്തി വരുന്ന ഫൈജുവിന്റെ അജ്ഞാതന്‍ കൊന്നൊടുക്കിയ കാടപ്പക്ഷികള്‍ക്ക് പകരമായി നാടെങ്ങുനിന്നും സഹായഹസ്തം. നടന്‍ സലിംകുമാര്‍ 500 കാടക്കുഞ്ഞുങ്ങളും അവയ്ക്കുള്ള തീറ്റയും പണവുമായെത്തിയപ്പോള്‍ 1000 ബ്രോയിലര്‍ കോഴികളെയും അവയെ വളര്‍ത്താനുള്ള കൂടും നിര്‍മ്മിച്ചു നല്‍കാമെന്ന വാഗ്ദാനവുമായി കേരള പൗള്‍ട്രി ഫാര്‍മേഴ്‌സ് അസോസിയേഷനും രംഗത്തെത്തി.

ചൊവ്വാഴ്ച രാവിലെ പത്തുമണിയോടെയാണ് സലിംകുമാര്‍ എടപ്പാളിനടുത്ത പെരുമ്പറമ്പിലെ കല്ലിങ്ങല്‍ വീട്ടിലെത്തിയത്. ഫൈജുവിന്റെ 300ഓളം കാടകളെ അജ്ഞാതന്‍ വിഷംകൊടുത്തുകൊന്ന വാര്‍ത്ത പത്രത്തില്‍ കണ്ടാണ് സലിംകുമാര്‍ സഹായവുമായെത്തിയത്.

ആറ്റിങ്ങലില്‍ കാമുകന്‍ കാമുകിയെ സ്വന്തമാക്കാന്‍ പിഞ്ചുപൈതലിനെ കൊന്നതിന് സമാനമാണ് ഫൈജുവിന്റെ കാടകളെ കൊലചെയ്തതെന്ന് സലിം കുമാര്‍ പറഞ്ഞു. വാര്‍ത്ത അറിഞ്ഞപ്പോള്‍ ഏറെ അസ്വസ്ഥത അനുഭവപ്പെട്ടു. തന്റെ മൂത്ത മകന്റെ പ്രായമുള്ള ഫൈജു ഇത്രയും ചെറുപ്പത്തില്‍ കാര്‍ഷിക മേഖലയോട് കാണിച്ച താല്‍പര്യം ഏറെ അംഗീകരിക്കേണ്ടതാണ്. അതിന് പിന്തുണ നല്‍കേണ്ടത് അനിവാര്യമായതിനാലാണ് കാടകളെ നല്‍കിയതെന്നും സലിം കുമാര്‍ പറഞ്ഞു.

ഫൈജുവിന്റെ താത്പര്യം കണ്ടറിഞ്ഞ് നഷ്ടപ്പെട്ട കാടകള്‍ക്കു പകരമായി 1000 ബ്രോയിലര്‍ കോഴികളെയും അവയെ വളര്‍ത്താനുള്ള കൂടും നിര്‍മ്മിച്ചു നല്‍കാമെന്ന് കേരള പൗള്‍ട്രി ഫാര്‍മേഴ്‌സ് അസോസിയേഷന്‍ വാഗ്ദാനം നല്‍കി.

ചൊവ്വാഴ്ച സംസ്ഥാന സെക്രട്ടറി എ.പി.കാദറലിയുടെ നേതൃത്വത്തില്‍ ഉന്നതസംഘം ഫൈജുവിന്റെ വീട്ടിലെത്തിയിരുന്നു. തുടര്‍ന്നാണ് ഫൈജുവിന്റെ വീട്ടു പറമ്പില്‍ 1000 ബ്രോയിലര്‍ കോഴികളെ വളര്‍ത്താനുതകുന്ന ഷെഡ് ഇവര്‍ സന്നദ്ധ സേവനത്തിലൂടെ നിര്‍മ്മിച്ചു നല്‍കാന്‍ തീരുമാനിച്ചത്. ഇതിന്റെ പണി ബുധനാഴ്ച തന്നെ ആരംഭിക്കും. പണി തീരുന്ന മുറക്ക് കോഴികളെ എത്തിക്കുമെന്നും ഇവര്‍ അറിയിച്ചു.

കോഴികളെ നല്‍കുന്നതോടൊപ്പം പക്ഷി വളര്‍ത്തലിനെ സംബന്ധിച്ച് വിദഗ്ധരെ വരുത്തി ഫൈജുവിന് പരിശീലനവും ബോധവത്കരണ ക്ലാസും നല്‍കും.

കൃഷിമന്ത്രി കെ പി മോഹനും ഫോണില്‍ ബന്ധപ്പെട്ട് സഹായം പ്രഖ്യാപിച്ചു. പെരുമ്പറമ്പില്‍ കഴിഞ്ഞ 18നാണ് ഫൈജുവിന്റെ ഫാമിലെ കാടകളെ സാമൂഹ്യവിരുദ്ധര്‍ വെള്ളത്തില്‍ വിഷം കലര്‍ത്തി കൊന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Faiju, Salim Kumar.

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com