ജില്ലാ ആശുപത്രിയിലെ രോഗികള്‍ക്ക് പ്രവാസി കോണ്‍ഗ്രസിന്റെ വിഷു കൈനീട്ടം

കാഞ്ഞങ്ങാട് : ജില്ലാ ആശുപത്രിയിലെ രോഗികള്‍ക്ക് വിഷു കൈനീട്ടവും കോടി വസ്ത്രവും നല്‍കി പ്രവാസി കോണ്‍ഗ്രസ്‌ ജില്ലാ കമ്മിറ്റി ഇത്തവണത്തെ വിഷു ആഘോഷം വേറിട്ടതാക്കി. ഡി സി സി പ്രസിഡന്റ്‌ സി കെ ശ്രീധരന്‍ കോടി വസ്ത്ര വിതരണവും പ്രവാസി കോണ്‍ഗ്രസ്‌ ജില്ലാ പ്രസിഡന്റ്‌ പദ്മരാജന്‍ ഐങ്ങോത്ത് വിഷു കൈനീട്ട വിതരണവും ഉദ്ഘാടനം ചെയ്തു. 

സാമൂഹ്യ പ്രവര്‍ത്തന രംഗത്ത് പ്രവാസി കോണ്‍ഗ്രസിന്റെ മാതൃകാപരമായ പ്രവര്‍ത്തനം ശ്ലാഘനീയാമാണെന്ന് ഡി സി സി പ്രസിഡന്റ്‌ സി കെ ശ്രീധരന്‍ അഭിപ്രായപെട്ടു. കോണ്‍ഗ്രസ്‌ ബ്ലോക്ക്‌ പ്രസിഡന്റ്‌ എം അസ്സിനാര്‍, ബ്ലോക്ക്‌ കോണ്‍ഗ്രസ്‌ സെക്രട്ടറി പ്രവീണ്‍ തോയ്യമ്മല്‍, മണ്ഡലം കോണ്‍ഗ്രസ്‌ പ്രസിഡന്റ്‌ എം.കുഞ്ഞികൃഷ്ണന്‍, ജമീല അഹമ്മദ്, യു വി എ റഹ്മാന്‍, കെ.വി.കേളന്‍ പടന്നക്കാട്, ഫര്‍ശാദ് മാങ്ങാട്, രാജേഷ്‌, സതീശന്‍ പടന്നക്കാട് തുടങ്ങിയവര്‍ നേതൃത്വം നല്‍കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Kanhangad, Hospital, Vishu-Celebration.