വസ്തു തര്‍ക്കത്തെ തുടര്‍ന്ന് ഒരു കുടുംബത്തിലെ അഞ്ചുപേര്‍ക്ക് കുത്തേറ്റു; ഒരാള്‍ മരിച്ചു

കോട്ടയം: കാഞ്ഞിരപ്പള്ളിയില്‍ ഒരു കുടുംബത്തിലെ അഞ്ചു പേര്‍ക്ക് കുത്തേറ്റു. മാരകമായി മുറിവേറ്റ കാഞ്ഞിരപ്പള്ളി കപ്പാട് ജോസഫ് ജെ. ഞാവള്ളി(60) മരിച്ചു. മരിച്ചയാളുടെ ഭാര്യ ഉഷ, മക്കളായ അപ്പു, ലിജോ, ജോലിക്കാരന്‍ ബിജു എന്നിവരാണ് കുത്തേറ്റ മറ്റുള്ളവര്‍. വിവിധ ആശുപത്രികളില്‍ പ്രവേശിപ്പിച്ചിരിക്കുന്ന ഇവരില്‍ ചിലരുടെ നില ഗുരുതരമാണ്.

ബുധനാഴ്ച രാവിലെ 10 ഓടെയാണ് സംഭവം. റബര്‍തോട്ടത്തിന്റെ പാട്ടത്തെച്ചൊല്ലിയുണ്ടായ തര്‍ക്കമാണ് കത്തിക്കുത്തില്‍ കലാശിച്ചത്. സംഭവവുമായി ബന്ധപ്പെട്ട് കാഞ്ഞിരപ്പള്ളി സ്വദേശി കുട്ടപ്പന്‍ പിടിയിലായതായാണ് റിപ്പോര്‍ട്ട്. പോലീസ് സ്ഥലത്ത് എത്തിയിട്ടുണ്ട്. മന്ത്രി പി.ജെ.ജോസഫിന്റെ പിതൃസഹോദരീ പുത്രനാണ് കൊല്ലപ്പെട്ട ജോസഫ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Murder, Police, case, Hospital.