പ്രതികാരത്തിനായി മെയ്ക്ക ദിവസങ്ങളോളം കാത്തിരിക്കുകയായിരുന്നു എന്നാണ് പൊലീസ് പറഞ്ഞത്. സൗത്ത് വെയില്‍സില്‍ വീടുണ്ടെങ്കിലും ബുഷ് കൂടുതല്‍ സമയവും ചെലവിട്ടിരുന്നത് സ്‌പെയിനിലെ എസ്റ്റപ്പോനയിലെ ആഡംബരവീട്ടിലാണ് കഴിഞ്ഞിരുന്നത്. ഇത് നന്നായി മനസിലാക്കി മെയ്ക്ക അവിടെയെത്തുകയായിരുന്നു. കഴിഞ്ഞദിവസം ബുഷും പുതിയ കാമുകിയും താമസസ്ഥലത്തെത്തിയപ്പോള്‍ അവര്‍ക്ക് വാതില്‍ തുറന്നുകൊടുത്ത് മെയ്ക്കയായിരുന്നു. ഞെട്ടിപ്പോയ ബുഷ് രക്ഷപ്പെടാന്‍ ശ്രമിച്ചു. അയാള്‍ക്കുപിന്നാലെ മെയ്ക്ക പാഞ്ഞു. നീന്തല്‍ക്കുളത്തിനുസമീപത്തുവച്ച് മെയ്ക്ക ബുഷിന്റെ തലയ്ക്കുനേരെ വെടിവച്ചു. ഈ സമയം പുതിയ കാമുകി പൊലീസിനെ വിളിക്കുകയായിരുന്നു. തലയില്‍ രണ്ടുവെടിയുണ്ടകളേറ്റ ബുഷ് അവിടെവച്ചുതന്നെ മരിച്ചു. വെടിയുതിര്‍ത്തശേഷം മെയ്ക്ക, അവിടെയുണ്ടായിരുന്ന ബുഷിന്റെ വാഹനത്തില്‍ കയറി രക്ഷപ്പെട്ടു. ഇവര്‍ക്കുവേണ്ടി പൊലീസ് തിരച്ചില്‍ ശക്തമാക്കിയിട്ടുണ്ട്.
No comments:
Post a Comment