36-ാം മിനിറ്റില് ഗോളി ഇകര് കസീയസിന്റെ പിഴവില് നിന്ന് മുതലെടുത്ത് ഗോഡിന്റെ ഗോളിലാണ് സ്പാനിഷ് ചാമ്പ്യന്മാരായ അത്ലറ്റിക്കോ ലീഡ് നേടിയത്. പ്രതിരോധത്തിലേയ്ക്ക് ഉള്വലിഞ്ഞ അത്ലറ്റിക്കോയ്ക്കെതിരെ ഗോള് മടക്കാന് റയല് നിരന്തരം ശ്രമിച്ചുകൊണ്ടിരുന്നെങ്കിലും ഫലം കാണാന് അവസാന വിസില് വരെ കാത്തുനില്ക്കേണ്ടിവന്നു. 93-ാം മിനിറ്റില് സ്പാനിഷ് താരം സെര്ജിയോ റാമോസാണ് റയലിന്റെ ജീവന് തിരിച്ചുനല്കിയ സമനില ഗോള് നേടിയത്.
എക്സ്ട്രാ ടൈമില് മറ്റൊരു റയലിനെയാണ് കണ്ടത്. നിരന്തരമായ ആക്രമണം കൊണ്ടവര് അത്ലറ്റിക്കോയെ മുക്കിക്കളഞ്ഞു. നേരത്തെ നിരവധി അവസരങ്ങള് തുലച്ചുകളഞ്ഞ സുവര്ണ താരം ഗരെത് ബെയ്ല് 110-ാം മിനില് നിര്ണായകമായ ലീഡ് നേടിക്കൊടുത്തു. 118-ാം മിനിറ്റില് പകരക്കാരന് മാഴ്സെലൊ ലീഡുയര്ത്തി. 120-ാം മിനിറ്റില് പെനാല്റ്റിയിലൂടെ ക്രിസ്റ്റിയാനൊ പട്ടിക പൂര്ത്തിയാക്കി.
1956 മുതല് 60 വരെ തുടര്ച്ചയായി അഞ്ചു തവണ ചാമ്പ്യന്സ് ലീഗ് കിരീടം നേടിയ റയല് പിന്നീട് 66, 98, 2000, 02 വര്ഷങ്ങളിലും കിരീടത്തില് മുത്തമിട്ടു. മൂന്ന് തവണ റണ്ണറപ്പുമായി. ഏഴ് തവണ കിരീടം നേടിയ എ.സി. മിലാനാണ് റയലിന് തൊട്ടു പിറകില്.
No comments:
Post a Comment