മുസ്ലീം ലീഗ് നേതാവുകൂടിയായ മുഹമ്മദ് മുസ്തഫയുടെ ഈ പോസ്റ്റ് മാധ്യമങ്ങളില്‍ വാര്‍ത്തയായതോടെയാണ് വിശദീകരണവുമായി മുസ്തഫ ഫെയ്‌സ് ബുക്കില്‍ വീണ്ടും പോസ്റ്റിട്ടത്.
താന്‍ മോഡിയെ പ്രശംസിച്ചതിനെ ഇത്ര വലിയ വിഷയമാക്കേണ്ടതില്ലെന്ന മറുപടിയാണ് മുഹമ്മദ് മുസ്തഫ നല്‍കുന്നത്. ഇന്ത്യയും പാക്കിസ്ഥാനും തമ്മിലൊരു ക്രിക്കറ്റ് മല്‍സരം നടന്നു. അതില്‍ ഇന്ത്യ പരാജയപ്പെട്ടു. ഇത്തരമൊരു സാഹചര്യത്തില്‍ ഇന്ത്യന്‍ ക്യാപ്റ്റന്‍ എന്തു ചെയ്യണമെന്നാണ് നിങ്ങള്‍ ആഗ്രഹിക്കുന്നത്. വിക്കറ്റും ക്രിക്കറ്റ് ബാറ്റുമെടുത്ത് ഇന്ത്യന്‍ ക്യാപ്റ്റന്‍ പാക് ക്യാപ്റ്റനെ തല്ലണോ? അതോ ഹസ്തദാനം നല്‍കി അദ്ദേഹത്തെ അഭിനന്ദിക്കണോ? മുഹമ്മദ് മുസ്തഫ ചോദിക്കുന്നു.
തോല്‍വിയേയും സ്വീകരിക്കാന്‍ നമുക്ക് കഴിയണം. അതേപോലെതന്നെ വിജയിച്ചയാളെ പ്രശംസിക്കാനും അഭിനന്ദിക്കാനും നമ്മള്‍ പഠിക്കണം. അത് മാത്രമാണ് ഞാനിവിടെ ചെയ്തത്. ഞാനൊരു ഇന്ത്യന്‍ പൗരനാണ്. എന്റെ രാജ്യത്തെ പുതിയ സര്‍ക്കാരിനെക്കുറിച്ചും രാജ്യത്തിന്റെ പുരോഗതിയെക്കുറിച്ചുമൊക്കെ എനിക്കും ആകുലതകളുണ്ട്. അതിനേക്കാളേറെ, ന്യൂനപക്ഷവിഭാഗംം ഭൂരിപക്ഷമുളള ഒരു മുനിസിപ്പാലിറ്റിയുടെ ചെയര്‍മാനാണ് ഞാന്‍. മതേതരത്വവും സമാധാനവുമുള്ള ഒരു സര്‍ക്കാരുണ്ടാകാനാണ് ഞാനും ആഗ്രഹിക്കുന്നത് മുഹമ്മദ് മുസ്തഫ കൂട്ടിച്ചേര്‍ത്തു.
No comments:
Post a Comment