സഹീറിനെ ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് (രണ്ട്) കോടതി രണ്ടാഴ്ചത്തേക്ക് റിമാന്റ് ചെയ്തു. പള്ളിക്കര ജോളി നഗറിലെ തെക്കേകുന്നില്‍ ടി കെ അബ്ദുള്‍ നസീറിനെ(35) വധിക്കാന്‍ ശ്രമിച്ച കേസില്‍ പ്രതിയാണ് സഹീര്‍.
2011 ജൂണ്‍ 14 നാണ് കേസിനാസ്പദമായ സംഭവം . അബ്ദുള്‍ നസീറിന്റെ സഹോദര പുത്രനെ ഫോണില്‍ അസഭ്യം പറഞ്ഞതിന് ചോദ്യം ചെയ്ത വിരോധം കാരണം നസീറിനെ സഹീര്‍ ഉള്‍പ്പെടുന്ന സംഘം കല്ലിങ്കാലില്‍ തടഞ്ഞ് നിര്‍ത്തി ഇരുമ്പ് വടികൊണ്ട് അടിച്ച് പിരിക്കേല്‍പ്പിച്ചുവെന്നാണ് കേസ്.
സാരമായി പരിക്കേറ്റ അബ്ദുള്‍ നസീറിനെ കാസര്‍കോട്ടെ സ്വകാര്യാശുപത്രിയില്‍ പ്രവേശിപ്പിക്കുകയായിരുന്നു. ഈ കേസിലെ മറ്റ് പ്രതികളെ പോലീസ് അറസ്റ്റുചെയ്തുവെങ്കിലും സഹീര്‍ പോലീസിന് പിടികൊടുക്കാത ഒളിവില്‍ പോവുകയാണുണ്ടായത്.
സഹീറിനെ അറസ്റ്റുചെയ്യാന്‍ സാധിക്കുന്നില്ലെന്ന് പോലീസ് നല്‍കിയ റിപ്പോര്‍ട്ടിന്റെ അടിസ്ഥാനത്തില്‍ സഹീറിനെ കോടതി പിടികിട്ടാപുള്ളിയായി പ്രഖ്യാപിക്കുകയായിരുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment