മണല്‍ മാഫിയസംഘം പ്രചരിപ്പിച്ച പ്രേതകഥ ഇപ്പോള്‍ വാലും ചിറകും കൊമ്പും രൂപപ്പെട്ട് വളരുകയാണ്. അതിനിടെ ചില പ്രാദേശിക പത്രങ്ങളിലും പ്രേതകഥ പ്രസിദ്ധീകരിച്ചുവന്നു. പാലത്തില്‍ രാത്രികാലങ്ങളില്‍ ഭീകരരൂപികളായ പ്രേതങ്ങളെ കാണാറുണ്ടെന്നും മനുഷ്യന്റെ ഗന്ധമേറ്റാല്‍ അവ ഓടി അടുക്കുമെന്നും മറ്റുമാണ് കഥകള്‍.
ഓട്ടോറിക്ഷകള്‍, ചെറു വാഹനങ്ങള്‍ എന്നിവവഴി ചാക്കില്‍ നിറച്ചാണ് മണല്‍ കടത്തുന്നത്. രാത്രിയാണ് മണല്‍ വാരലും കടത്തും. വെള്ളാപ്പ്, മെട്ടമ്മല്‍ ഭാഗങ്ങളിലെ ചില ഡ്രൈവര്‍മാരാണ്‌ മണല്‍ക്കടത്തിനു പിന്നിലെന്നാണ് ആരോപണം. ഇക്കാര്യം പോലീസിന്റെ ശ്രദ്ധയില്‍ പെടുത്തിയിട്ടും നടപടി ഉണ്ടാകുന്നില്ല.
മണല്‍ മാഫിയയെ അമര്‍ച്ച ചെയ്യണമെന്ന് ഡി.വൈ.എഫ്.ഐ. വലിയ പറമ്പ്, സൗത്ത്‌നോര്‍ത്ത് വില്ലേജു കമ്മിറ്റികള്‍ ആവശ്യപ്പെട്ടു. പാലം പരിസരത്ത് രാത്രി പോലീസ് പട്രോളിംഗ് ഏര്‍പ്പെടുത്തണമെന്നും അവര്‍ ആവശ്യപ്പെട്ടു. പാലം പരിസരത്ത് കഴിഞ്ഞ ദിവസമുണ്ടായ ബൈക്കപകടത്തില്‍ രണ്ടു യുവാക്കള്‍ക്കു പരിക്കേറ്റതു പ്രേതത്തിന്റെ ലീലാവിലാസമാണെന്നു പ്രചരിപ്പിക്കുന്നതായും പോലീസിനു വിവരം ലഭിച്ചിട്ടുണ്ട്.
No comments:
Post a Comment