പാലമില്ല; കൊട്ടമടല്‍-പാമ്പങ്ങാനം നിവാസികള്‍ ദുരിതത്തില്‍

ബിരിക്കുളം: കിനാനൂര്‍-കരിന്തളം പഞ്ചായത്തിലെ ആറാം വാര്‍ഡില്‍പ്പെട്ട കൊട്ടമടല്‍-പാമ്പങ്ങാനം പ്രദേശക്കാര്‍ പാലമില്ലാത്തതിനാന്‍ ബുദ്ധിമുട്ടുന്നു. നൂറിലധികം ജനങ്ങള്‍ താമസിക്കുന്ന ഈ പ്രദേശങ്ങള്‍ കൊട്ടമടല്‍ ചാലിനാല്‍ വേര്‍തിരിക്കപ്പെടുന്നതുകൊണ്ട് തന്നെ പരസ്പര ബന്ധം സാധ്യമാകുന്നില്ല. മഴക്കാലത്ത് ചാലില്‍ വെള്ളം നിറഞ്ഞു കഴിഞ്ഞാല്‍ പാമ്പങ്ങാനം നിവാസികള്‍ പുറം ലോകവുമായി ബന്ധപ്പെടാന്‍ കഴിയാത്ത അവസ്ഥയിലാണ്.

നാട്ടുകാര്‍ നിര്‍മ്മിച്ച കോല്‍പ്പാലം മാത്രമാണ് ഏക ആശ്രയം.രോഗികളെ ആശുപത്രിയില്‍ എത്തിക്കാന്‍ പോലും കഴിയാത്ത അവസ്ഥയാണുണ്ടാകാറ്. ദിവസവും വിദ്യാര്‍ത്ഥികള്‍ ഉള്‍പ്പെടെ നിരവധി ആള്‍ക്കാര്‍ ഈ കോല്‍പ്പാലത്തിലൂടെയാണ് സഞ്ചരിക്കാറ് അതുകൊണ്ട് തന്നെ വിദ്യാര്‍ത്ഥികള്‍ സ്‌കൂളില്‍ പോയി മടങ്ങി വരുന്നതുവരെ രക്ഷിതാക്കള്‍ക്ക് ആദിയാണ്. കൂടാതെ വേനല്‍ കാലങ്ങളില്‍ കൃഷിക്ക് ജലസേചനത്തിന് സൗകര്യമില്ലാത്തതിന്റെ ബുദ്ധിമുട്ടും അനുഭവപ്പെടുന്നു.

ഈ പ്രശ്‌നങ്ങള്‍ക്ക് പരിഹാരമായി കൊട്ടമടല്‍-പാമ്പങ്ങാനം പ്രദേശങ്ങളെ തമ്മില്‍ ബന്ധിപ്പിച്ച് കൊട്ടമടല്‍ ചാലില്‍ ചെക്ക് ഡാം കം ബ്രിഡ്ജ് നിര്‍മ്മിക്കണമെന്നാവശ്യപ്പെട്ട് സി.പി.ഐ.എം കൊട്ടമടല്‍ ബ്രാഞ്ച് സെക്രട്ടറി ടി.എ. രവീന്ദ്രന്‍ ജില്ലാ പഞ്ചായത്ത് പ്രസിഡണ്ടിന് നിവേദനം നല്‍കി.

Keywords: kanhangad, Neleswaram,, Malayalam Movie, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, karindalam, Bridge.