കോട്ടിക്കുളത്ത്‌ അജ്ഞാത യുവതി ട്രെയിനിടിച്ചു മരിച്ചു

ഉദുമ: അജ്ഞാത യുവതി ട്രെയിനിടിച്ചു മരിച്ചു. മൃതദേഹം ഛിന്നഭിന്നമായി. 40 വയസ് പ്രായം തോന്നിക്കുന്ന യുവതിയുടെ മൃതദേഹമാണ് കോട്ടിക്കുളം റെയില്‍വെ സ്റ്റേഷന് സമീപം കണ്ടെത്തിയത്. വ്യാഴാഴ്ച ഉച്ചയ്ക്കാണ് ഛിന്നഭിന്നമായ നിലയില്‍ മൃതദേഹം കാണപ്പെട്ടത്.

വിവരമറിഞ്ഞ് ബേക്കല്‍ പോലീസ് സ്ഥലത്തെത്തി അന്വേഷണം ആരംഭിച്ചു. ഇന്‍ക്വസ്റ്റിന് ശേഷം കാഞ്ഞങ്ങാട് ജില്ലാ ആശുപത്രിയിലേക്ക് മൃതദേഹം മാറ്റി. ഉച്ചയ്ക്കുള്ള ട്രെയിനാണ് ഇടിച്ചതെന്ന് കരുതുന്നു.

കുറ്റൂരില്‍നിന്ന് പിലാത്തറയിലേക്കും അവിടെനിന്ന് കാഞ്ഞങ്ങാട്ടേക്കും തുടര്‍ന്ന് പാലക്കുന്നിലേക്കുമുള്ള ബസ് ടിക്കറ്റ് മൃതദേഹത്തില്‍നിന്ന് കണ്ടെത്തിയിട്ടുണ്ട്.

Keywords: Kasaragod, Kanhangad, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News