നിരവധി കേസുകളിലെ പ്രതിയായ ആലപ്പുഴ വള്ളിക്കുന്ന് സ്വദേശി സിറാജ്ജുദ്ദീനാണ് മന്ത്രവാദി ചമഞ്ഞ് ബാധയൊഴിപ്പിക്കാനെത്തിയത്. തൊഴിയേറ്റ് ബോധംകെട്ട യുവതിയുടെ നില അപകടകരമാണെന്ന് തിരിച്ചറിഞ്ഞ സിറാജ്ജുദ്ദീന് അര്ധരാത്രി തന്നെ ഒളിവില് പോവുകയായിരുന്നു.
ബോധം വരുമ്പോള് 'ജിന്ന് ' ഒഴിഞ്ഞുപോകുമെന്നാണ് ഇയാള് ബന്ധുക്കളോട് പറഞ്ഞത്. യുവതിയുടെ നില വഷളായതിനെ തുടര്ന്ന് ബന്ധുക്കള് ആസ്പത്രിയിലെത്തിച്ചെങ്കിലും മരിച്ചിരുന്നു.
സാധാരണ മരണമാണെന്ന നിലയില് മൃതദേഹം സംസ്കരിക്കാന് തുടങ്ങിയപ്പോഴാണ് ചിലര് പോലീസിനെ വിവരം അറിയിച്ചത്. തുടര്ന്ന് തിരുവനന്തപുരം മെഡിക്കല് കോളേജില് പോസ്റ്റുമോര്ട്ടം നടത്തുകയായിരുന്നു. തൊഴിയേറ്റ യുവതിയുടെ നട്ടെല്ല് തകര്ന്നതായും വയറില് രക്തം നിറഞ്ഞതായും പോസ്റ്റുമോര്ട്ടത്തില് കണ്ടെത്തി.
മാനസിക അസ്വാസ്ഥ്യമുണ്ടെന്ന് ആരോപിച്ചാണ് യുവതിയുടെ പിതാവ് മന്ത്രവാദിയെ വിളിച്ചുവരുത്തിയത്. ഒരാഴ്ചയായി മന്ത്രവാദിയുടെ ചികിത്സയിലായിരുന്നു യുവതി.
അര്ദ്ധരാത്രിയില് വീട്ടില് നിന്ന് തുടര്ച്ചയായി നിലവിളി കേട്ടതായി അയല്വാസികള് അറിയിച്ചു. മാനസിക അസ്വാസ്ഥ്യം പ്രകടിപ്പിച്ചിരുന്ന യുവതിക്ക് ഇതേവരെ വൈദ്യസഹായം നല്കിയിരുന്നില്ലെന്നും അയല്വാസികള് ആരോപിക്കുന്നുണ്ട്.
Keywords: Kollam, Murder, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment