അറസ്റ്റിലായ പ്രതികള്‍ കരിങ്കല്‍ ക്വാറികളില്‍ സ്‌ഫോടനത്തിനുവേണ്ട രാസവസ്തുക്കള്‍ കള്ളക്കടത്തായി കൊണ്ടുവന്ന് വില്‍ക്കുന്നവരാണ്. അതുവഴിയുള്ള ബന്ധമാണ് നേരത്തേ കേസില്‍ അറസ്റ്റിലായ ചെറുപുഴ സ്വദേശികളായ സാജ് പി.ജയിംസുമായും സന്ദീപുമായും ഇവര്‍ക്കുള്ളത്. ആലക്കോട് പോലീസ് സംഘം കളവുപോയ മുതലുകളില്‍ ചിലത് പ്രതികളില്‍നിന്ന് കണ്ടെടുത്തു.
എറണാകുളം പനങ്ങാട്ടെ അഭിഭാഷകന്റെ വീട്ടില്‍ കാവല്‍ക്കാരനെ കൊലപ്പെടുത്തി വീട് കൊള്ളയടിച്ച കേസില്‍ പ്രതിയാണ് പിടിയിലായ സഭാപതിയെന്ന് പോലീസ് പറഞ്ഞു. അതിനാല്‍ ഇയാളുടെ ഫോട്ടോ പോലീസ് പുറത്തുവിട്ടില്ല. പ്രതികളെ തളിപ്പറമ്പ് കോടതി റിമാന്‍ഡ് ചെയ്തു.
ഇവരെ കസ്റ്റഡിയില്‍ വാങ്ങി കൂടുതല്‍ തെളിവെടുപ്പ് നടത്തും.
ഇവരെ കസ്റ്റഡിയില്‍ വാങ്ങി കൂടുതല്‍ തെളിവെടുപ്പ് നടത്തും.
അറസ്റ്റിലായ സാജായിരുന്നു കവര്‍ച്ചയ്ക്കുള്ള പദ്ധതി ആസൂത്രണംചെയ്തതും സംഘത്തെ കൊണ്ടുവന്ന് കവര്‍ച്ച നടപ്പാക്കിയതും. പലപ്പോഴും മാസങ്ങളോളം നാട്ടില്‍നിന്ന് മാറിനില്ക്കാറുള്ള സാജ് ആദ്യം സംശയിക്കപ്പെട്ടിരുന്നില്ല. സമ്പന്നകുടുംബത്തിലെ അംഗമായ ഇയാള്‍ ഇത്തരം ചെയ്തികള്‍ക്ക് മുതിരുമെന്ന് ആര്‍ക്കും സംശയമുണ്ടായിരുന്നില്ല.
എസ്.ഐ. ആന്റണി, ജോസ്, റാഫി മുഹമ്മദ്, പവിത്രന്‍, റെജി, രാജേഷ്, ജില്‍സ് എന്നിവരായിരുന്നു പ്രതികളെത്തേടി തമിഴ്‌നാട്ടിലേക്ക് പോയത്. ചൊവ്വാഴ്ച ഉച്ചയ്ക്ക് ആലക്കോട്ട് എത്തിച്ച പ്രതികളെ വൈകിട്ടുതന്നെ കോടതിയില്‍ ഹാജരാക്കി.
No comments:
Post a Comment