കിടപ്പറരംഗങ്ങള്‍ ഒളികാമറയില്‍ പകര്‍ത്തി പുരുഷ ശബ്ദത്തില്‍ ഇടപാടുകാരെ ഫോണില്‍ വിളിച്ച് ഭീഷണിപ്പെടുത്തി ലക്ഷങ്ങള്‍ തട്ടിയെടുത്തതാണ് കേസ്. ആലപ്പുഴ സ്വദേശിനികളായ ബിന്ധ്യാ തോമസ്‌ എന്നുവിളിക്കുന്ന സൂര്യ (32), റുക്സാന ബി.ദാസ് (29) എന്നിവരാണ് പ്രധാന പ്രതികള്‍. കേസിലെ മറ്റൊരു പ്രതിയായ ജയചന്ദ്രനെ എം.എല്‍.എ ഹോസ്റ്റലില്‍ നിന്നാണ് പിടികൂടിയത്. നഗരത്തിലെ വന്‍കിട ഫ്ളാറ്റുകളും ഹോട്ടല്‍ മുറികളും വാടകക്കെടുത്തായിരുന്നു തട്ടിപ്പ്. ഇവിടേക്ക് വിളിച്ചുവരുത്തുന്ന ഇരകളുമായുള്ള കിടപ്പറരംഗങ്ങള്‍ മുറിയിലെ സണ്‍ഗ്ളാസിനു പിറകില്‍ ഒളിപ്പിച്ചുവയ്ക്കുന്ന കാമറയില്‍ പകര്‍ത്തും. പിന്നീട് ഇവ സി.ഡിയിലാക്കി ഇരകളെ കാണിച്ച് ഭീഷണിപ്പെടുത്തി പണം ആവശ്യപ്പെടും. വഴങ്ങാത്തവര്‍ക്കെതിരെ പീഡനത്തിന് പരാതി നല്‍കും. ചിലരെ വക്കീല്‍ നോട്ടീസ് അയച്ച് ഭീഷണിപ്പെടുത്തും. മാനക്കേട് ഭയന്ന് പലരും പണം നല്‍കി രക്ഷപ്പെടുകയാണ് പതിവ്.
അതേസമയം. ബ്ളാക്മെയില്‍ അനാശാസ്യ കേസില്‍ തട്ടിപ്പിനിരയായ ഉന്നത രാഷ്ട്രീയ നേതാക്കളെയും സിനിമാക്കാരെയും ഒഴിവാക്കിയാണ് പൊലീസ് പട്ടിക തയ്യാറാക്കിയതെന്ന് ആരോപണമുണ്ട്. വിദേശവ്യവസായികള്‍ അടക്കമുള്ളവരെ കെണിയിലാക്കിയിരുന്നു. കൊച്ചി ചെലവന്നൂരിലെ രണ്ട് ഫ്ളാറ്റുകള്‍, നഗരത്തിലെ രണ്ട് പ്രമുഖ ഹോട്ടലുകള്‍, വാഴക്കാലയിലെ രണ്ട് വീടുകള്‍, പാലാരിവട്ടത്തെ ഫ്ലാറ്റുകള്‍ എന്നിവ കേന്ദ്രീകരിച്ചാണ് സംഘം പ്രവർത്തിച്ചിരുന്നത്.
Keywords: Black male case, Ruksana, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment