ടി പി രാജീവിന്റെ "കെ ടി എന് കോട്ടൂര് എഴുത്തും ജീവിതവും' നോവലിനെ അടിസ്ഥാനമാക്കി രഞ്ജിത്താണ് സിനിമ സംവിധാനം ചെയ്യുന്നത്. പഴയ മദ്രാസ് പ്രവിശ്യയിലെ മലബാറില്പെട്ട ചെങ്ങോട് എന്ന ഗ്രാമത്തിലെ രാഷ്ട്രീയ- സാമൂഹ്യരംഗങ്ങളില് ജ്വലിച്ചുനിന്ന കെ ടി എന് എന്ന കഥാപാത്രത്തിന്റെ സംഭവബഹുലമായ ബാല്യകാല ജീവിതത്തിനാണ് രോഹിത് ജീവന് പകര്ന്നത്.
രഞ്ജിത്തിനെപ്പോലുള്ള പ്രതിഭയുടെ സിനിമയില് അരങ്ങേറാന് കഴിഞ്ഞതിന്റെ സന്തോഷത്തിലാണ് രോഹിത്.ചിത്രീകരണവുമായി ബന്ധപ്പെട്ട് കാഞ്ഞങ്ങാട്ടെത്തിയ രഞ്ജിത്ത് നടത്തിയ അന്വേഷണത്തിനൊടുവിലാണ് കാഞ്ഞങ്ങാട്ടെ വളവി വെഡിങ് സെന്റര് ഉടമ ഇ രാജേന്ദ്രന്റെയും അമൃത വിദ്യാലയം അധ്യാപിക പ്രീതയുടെയും മൂന്നാമത്തെ മകന് രോഹിതിനെ തെരഞ്ഞെടുക്കുന്നത്.
വെള്ളിക്കോത്ത്, പുല്ലൂര്, മാക്കരംകോട്, മടിക്കൈ, ഏച്ചിക്കാനം, ബിരിക്കുളം, കയ്യൂര്, പാലായി തുടങ്ങിയ സ്ഥലങ്ങളിലായിരുന്നു ചിത്രീകരണം. ജില്ലയിലെ സിനിമാ- നാടകപ്രവര്ത്തകരായ രാജേഷ് അഴീക്കോടന്, പി കുഞ്ഞികൃഷ്ണന് നായര് തുടങ്ങി നൂറോളം കാഞ്ഞങ്ങാട്ടുകാരും സിനിമയില് അഭിനയിച്ചു.
Keywords: Kasaragod, Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment