നേഴ്‌സിംഗ് ഹോമില്‍ ജോലിക്കിടെ ഇലക്ട്രിഷ്യന്‍ ഷോക്കേറ്റു മരിച്ചു

കാഞ്ഞങ്ങാട് : ഇലക്ട്രിക്ക് അറ്റകുറ്റപ്പണി നടത്തുന്നതിനിടയില്‍ മദ്ധ്യവയസ്‌കന്‍ ഷോക്കേറ്റു മരിച്ചു.
പടന്നക്കാട് മേല്‍പ്പാലത്തിനടുത്തുള്ള മരിയന്‍ ആയുര്‍വ്വേദ നഴ്‌സിംഗ് ഹോമിലെ ഇലക്ട്രിഷ്യന്‍ അരയി പാലക്കാലിലെ പൂക്കാട്ടില്‍ കുട്ട്യന്‍ എന്ന നാരായണനാണ് (58) ഷോക്കേറ്റ് മരിച്ചത്.
ബുധനാഴ്ച രാവിലെ 11 മണിയോടെയാണ് സംഭവം. 

ഹോസ്പിറ്റലിലെ സ്വിച്ച് ബോര്‍ഡ് നന്നാക്കുന്നതിനിടയില്‍ അബദ്ധത്തില്‍ തൊട്ടടുത്തുള്ള ഫഌക്‌സ് ബോര്‍ഡ് ഇരുമ്പു പൈപ്പില്‍ വൈദ്യുതി പ്രവഹിക്കുകയും അതില്‍ തട്ടി നാരായണന്‍ ഷോക്കേറ്റ് തെറിച്ചു വീഴുകയായിരുന്നു.

നിലത്തു വീണ കിടന്ന നാരായണനെ പരിസരവാസികള്‍ കാണുന്നത് ഏറെ വൈകിയാണ്. ഉടന്‍ ഇയാളെ കാഞ്ഞങ്ങാട് ജില്ലാ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. നേരത്തെ ഗള്‍ഫിലായിരുന്ന നാരായണന്‍ അവിടെ നിന്ന് ജോലി ഉപേക്ഷിച്ച് നാട്ടിലെത്തി ഇലക്ട്രിക്ക് ജോലികളില്‍ ഏര്‍പ്പെട്ടു വരികയായിരുന്നു.

ഭാര്യ :ചന്ദ്രാവതി, മക്കള്‍: ആശ, നികേഷ് ( കൂളിക്കാട് ഇലക്ട്രിക്കല്‍സ് കോട്ടച്ചേരി) മരുമകന്‍: ഹരീഷ് ( തുരുത്തി, സഹോദരങ്ങള്‍ : പരേതനായ അമ്പാടി, മാതാ, പാറ്റ, ചിരുത.

Keywords: Kasaragod, Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News