കഴിഞ്ഞ വര്ഷത്തെ പ്രകടന മികവിന്റെ അടിസ്ഥാനത്തിലാണു മലപ്പുറം അവാര്ഡിന് അര്ഹമായത്. കേരളത്തില് ഈ അവാര്ഡ് ലഭിക്കുന്ന ആദ്യ ജെഎസ്എസ് എന്ന ബഹുമതിയും ഇതോടെ മലപ്പുറത്തിനു സ്വന്തമായി. സ്ത്രീശാക്തീകരണത്തിനായി നടപ്പാക്കിയ ഉല്ലാസ് പദ്ധതിയാണു മലപ്പുറം ജെഎസ്എസിന്റെ പ്രധാന നേട്ടം. വിധവകള്, വിവാഹമോചിതര്, 40 വയസ്സു കഴിഞ്ഞ വിവാഹിതര് എന്നിവര്ക്കു പരിശീലനം നല്കിയശേഷം സ്വയം തൊഴില് കണ്ടെത്താന് സഹായിക്കുന്ന പദ്ധതിയാണിത്.
നിലവില് 250 പേര് പദ്ധതിക്കു കീഴില് തൊഴില് ചെയ്യുന്നു. പട്ടിക ജാതി, വര്ഗ വിഭാഗത്തിനായി നടപ്പാക്കിയ സ്വയം തൊഴില് പദ്ധതിയിലൂടെ 2400 പേര് ഉപജീവനമാര്ഗം കണ്ടെത്തി. സാന്ത്വന ചികില്സാ ഘട്ടത്തിലുള്ള രോഗികള്ക്കും തീരമേഖലയ്ക്കുമായി നടപ്പാക്കിയ പ്രത്യേക സ്വയം തൊഴില് പദ്ധതികളും അവാര്ഡ് നിര്ണയത്തിനായി പരിഗണിച്ചു. അവാര്ഡ് ദാന ചടങ്ങില് കേന്ദ്രമന്ത്രി സ്മൃതി ഇറാനി അധ്യക്ഷയായിരുന്നു. മലപ്പുറം ജില്ലാ പഞ്ചായത്ത് പ്രസിഡന്റ് സുഹറ മമ്പാട് പങ്കെടുത്തു.
Keywords: Malappuram, Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment