നാദാപുരം: നാദാപുരത്ത് ലൈംഗിക പീഡനത്തിന് ഇരയായ നാല് വയസുകാരിയ്‌ക്കെതിരെ മോശം പരാമര്‍ശം നടത്തിയതിന് സിറാജുല്‍ഹുദാ ട്രസ്റ്റ് ജനറല്‍ സെക്രട്ടറി പേരോട് അബ്ദുള്‍ റഹ്മാന്‍ സഖാഫിക്കെതിരെ പോലീസ് കേസെടുത്തു. രണ്ടു വകുപ്പുകള്‍ ചുമത്തിയാണ് വളയം പോലീസ് കേസെടുത്തത്. കുറ്റകൃത്യം മറച്ചതിനും ഇരയ്ക്കു മാനഹാനി വരുത്തി സംസാരിച്ചതിനുമാണ് കേസെടുത്തത്.
ജുവനൈല്‍ ജസ്റ്റിസ് ആക്ട് പ്രകാരമാണ് കേസ്. മകളേയും തന്നെയും അപമാനിച്ചു പ്രസംഗിച്ചെന്നു കാണിച്ച് സഖാഫിക്കെതിരെ കുട്ടിയുടെ പിതാവ് വടകര റൂറല്‍ എസ്.പിക്കു പരാതി നല്‍കിയിരുന്നു. കേസ് ഒതുക്കാന്‍ കൂട്ട് നില്‍ക്കാത്തതിനാലാണ് സഖാഫി അടക്കമുള്ളവര്‍ കള്ളക്കഥകള്‍ പ്രചരിപ്പിക്കുന്നതെന്നു കുട്ടിയുടെ പിതാവ് ആരോപിച്ചിരുന്നു. ഈ പരാതിയുടെ അടിസ്ഥാനത്തിലാണ് സഖാഫിയ്‌ക്കെതിരെ കേസെടുത്തിരിക്കുന്നത്.
Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment