ഭര്‍ത്താവിനെയും മക്കളെയും വിട്ട് യുവതി ഓട്ടോ ഡ്രൈവറോടൊപ്പം വീട് വിട്ടു

തായന്നൂര്‍: ഭര്‍ത്താവിനെയും മക്കളെയും വിട്ട് യുവതി ഓട്ടോ ഡ്രൈവറോടൊപ്പം വീട് വിട്ടു. തായന്നൂര്‍ കാട്ടിയടുക്കം പനങ്ങാട്ടെ ജയരാജിന്റെ ഭാര്യ ചന്ദ്രാവതിയാണ് (26) ഓട്ടോ ഡ്രൈവറായ ശ്രീകുമാറിനോടൊപ്പം ഒളിച്ചോടിയത്. തിങ്കളാഴ്ച രാവിലെ ബന്ധുവീട്ടിലേക്ക് പോകുന്നുവെന്ന് പറഞ്ഞാണ് ചന്ദ്രാവതി ഭര്‍തൃവീട്ടില്‍നിന്നിറങ്ങിയത്.

എന്നാല്‍ യുവതി ഭര്‍തൃവീട്ടില്‍ തിരിച്ചെത്തിയില്ല. ഇതേ തുടര്‍ന്ന് ജയരാജ് ബന്ധുവീട്ടില്‍ അന്വേഷണം നടത്തിയപ്പോള്‍ യുവതി അവിടെ എത്തിയിട്ടില്ലെന്ന വിവരമാണ് ലഭിച്ചത്. പിന്നീട് പല ഭാഗങ്ങളിലും അന്വേഷണം നടത്തിയെങ്കിലും യുവതിയെ കുറിച്ച് യാതൊരു സൂചനയും കിട്ടിയില്ല. 

ഇതിനിടയിലാണ് ചന്ദ്രാവതി ജയരാജിന്റെ ബന്ധുവായ ശ്രീകുമാറിനോടൊപ്പം ഒളിച്ചോടിയതായി വ്യക്തമായത്. ജയരാജിന്റെ പരാതിയില്‍ അമ്പലത്തറ പോലീസ് കേസെടുത്ത് അന്വേഷണം തുടങ്ങി. സൈബര്‍ സെല്ലിന്റെ സഹായത്തോടെയാണ് പോലീസ് അന്വേഷണം നടത്തുന്നത്. 

അതേ സമയം ഇവര്‍ എവിടെ ഉണ്ടെന്നത് സംബന്ധിച്ച് യാതൊരു സൂചനയും കിട്ടിയിട്ടില്ല. രണ്ട് പേരുടെയും മൊബൈല്‍ ഫോണുകള്‍ സ്വിച്ച് ഓഫ് ചെയ്ത നിലയിലാണ്‌

Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News