പഞ്ചാബ് പൊലീസ്, എസ്എസ്ബി ഉത്തര്‍പ്രദേശ്, ബിഎസ്എഫ് രാജസ്ഥാന്‍, സായി ഗുജറാത്ത്, സിഐഎസ്എഫ് ഹരിയാന, മൈസൂര്‍ ബാങ്ക്, സൗത്ത് കമാന്‍ഡ് മുംബൈ, ഹൈടെക്ക് ചെന്നൈ, വിജയാ ബാങ്ക് ബെംഗളൂരു, ഇഎംഇ ഭോപ്പാല്‍, ഉറുമീസ് ആന്ധ്ര, തെലുങ്കാന എന്നീ ടീമുകളാണ് പോരടിക്കാന്‍ എത്തുന്നത്. വിജയികള്‍ക്ക് യഥാക്രമം ഒന്നര ലക്ഷം, ഒരു ലക്ഷം എന്നീ തുകകളാണ് പ്രൈസ്മണിയായി നല്‍കുന്നത്.
കബഡിഫെസ്റ്റിന് മുന്നോടിയായി ചൊവ്വാഴ്ച രാത്രി അരങ്ങേറിയ മെഗാ തിരുവാതിര മറുനാടന്‍ കളിക്കാര്‍ക്ക് പുതിയ അനുഭവമായി. കുറ്റിവയല്‍ പെണ്‍കൂട്ടായ്മയാണ് തിരുവാതിരയൊരുക്കിയത്. ജില്ലാപഞ്ചായത്ത് പ്രസിഡന്റ് അഡ്വ. പി.പി.ശ്യാമളാദേവി ഉദ്ഘാടനം ചെയ്തു. ഗ്രാമപ്പഞ്ചായത്ത് പ്രസിഡന്റ് സി.കാര്‍ത്ത്യായനി അധ്യക്ഷത വഹിച്ചു. കാഞ്ഞങ്ങാട് നഗരസഭാ ചെയര്‍പേഴ്‌സണ്‍ കെ.ദിവ്യ, നീലേശ്വരം നഗരസഭാ ചെയര്‍പഴ്‌സണ്‍ വി.ഗൗരി, ഗ്രാമപ്പഞ്ചായത്ത് പ്രസിഡന്റുമാരായ എ.വി.രമണി, പി.ശ്യാമള, അംഗം കെ.ശ്രീജ എന്നിവര്‍ സംസാരിച്ചു. എം.മഞ്ജുഷ സ്വാഗതവും പി.പി.അജിന നന്ദിയും പറഞ്ഞു.
തുടര്‍ന്ന് മടിക്കൈ നാട്ടറിവ് നാടന്‍കലാമേള അവതരപ്പിച്ചു. 25-ന് വൈകിട്ട് ആറിന് കബഡി ഫെസ്റ്റ് പി.ശ്രീരാമകൃഷ്ണന്‍ എം.എല്‍.എ. ഉദ്ഘാടനം ചെയ്യും.
Keywords: Kerala, MalabarFlash, Malabar Vartha, Malabar News, Malayalam News
No comments:
Post a Comment