ബസ് ഓട്ടോയിലിടിച്ച് ഓട്ടോ ഡ്രൈവര്‍ മരിച്ചു

കണ്ണൂര്‍:[www.malabarflash.com] തലശ്ശേരി-ബാവലി അന്ത:സംസ്ഥാന പാതയില്‍ കോളയാടിനു സമീപം സ്വകാര്യ ബസ് ഓട്ടോയിലിടിച്ച് ഓട്ടോ ഡ്രൈവര്‍ മരിച്ചു. കോളയാട് മേനച്ചോടിയിലെ മംഗലത്ത് വീട്ടില്‍ രാജീവനാണ്(45) മരിച്ചത്. ഓട്ടോ യാത്രക്കാരി ആലച്ചേരി കൊളത്തായിയിലെ നബീസ(55)യെ ഗുരുതര പരുക്കുകളോടെ കോഴിക്കോട്ടെ് സ്വകാര്യ ആസ്പത്രിയില്‍ പ്രവേശിപ്പിച്ചു.

വെള്ളിയാഴ്ച ഉച്ചയോടെയാണ് അപകടം. മാനന്തവാടിയില്‍ നിന്ന് കൂത്തുപറമ്പ് ഭാഗത്തേക്ക് പോവുകയായിരുന്ന അശ്വതി ബസ് എതിരെ വരികയായിരുന്ന ഓട്ടോയിലിടിക്കുകയായിരുന്നു. രാജീവന്‍ സംഭവസ്ഥലത്തു തന്നെ മരിച്ചു. ആലച്ചേരിയിലെ പരേതനായ മംഗലത്ത് ജനാര്‍ദ്ധനന്റെയും ശാന്തയുടെയും മകനാണ്. ഭാര്യ.ഷീന. മക്കള്‍: അഭിരാം, അനുഷ. സഹോദരങ്ങള്‍.സജീവന്‍(ഗള്‍ഫ്),ഷൈല.

Keywords: World-news, MalabarFlash, Malabar Vartha, Malabar News, Malayalam News