നരിക്കുനിയില്‍ സ്വകാര്യ പരിപാടിക്ക് എത്തിയതായിരുന്നു മന്ത്രി. സ്വകാര്യ പരിപാടിയായതിനാല്‍ പൊലീസ് സന്നാഹം ഉണ്ടായിരുന്നില്ല. ഇതറിഞ്ഞാണ് ഇടതു യുവജന, വിദ്യാര്‍ത്ഥി സംഘടനാ പ്രവര്‍ത്തകര്‍ പ്രതിഷേധവുമായി എത്തിയത്.
പോവുന്ന വഴിയില്‍ മന്ത്രി വാഹനത്തിനു നേര്‍ക്ക് വടി കൊണ്ടും മറ്റും അടിച്ചിരുന്നു. തിരിച്ചു വരുന്ന വഴി മന്ത്രി വാഹനം മിനിറ്റുകളോളം നരിക്കുനി അങ്ങാടിയില്‍ തടഞ്ഞു. കല്ലു കൊണ്ടും മറ്റും കാറിന്റെ ചില്ലിന് ഇടിക്കുകയായിരുന്നു. ആക്രമണത്തില്‍ കാറിന്റെ ചില്ലുകള്‍ തകര്‍ന്നു. എന്നാല്‍, മന്ത്രിക്ക് പരിക്കൊന്നുമില്ല. സംഭവത്തിനു ശേഷം അതേ വണ്ടിയില്‍ മന്ത്രി മലപ്പുറത്തിന് തിരിച്ചുപോയി.
സംഭവവുമായി ബന്ധപ്പെട്ട് പാറന്നൂര്‍ പാവട്ടിക്കാവ് മീത്തല്‍ നിതിന്‍ (19), നരിക്കുനി കൂടത്താന്‍കണ്ടിയില്‍ അഭിജിത് (19), കണ്ണങ്കര നടുക്കണ്ടിയില്‍ ഫാസില്‍ (21), നരിക്കുനി മഠത്തില്‍ നവാസ് (18), പുതിയോട്ടില്‍ വിവേക് (21), കക്കോടി കിഴക്കയില്‍താഴത്ത് അക്ഷയ് (19) എന്നിവരെ കാക്കൂര്‍ പൊലീസ് അറസ്റ്റ് ചെയ്തു.
Keywords: Kerala News, MalabarFlash, Malabar Vartha, Malabar News, Malayalam News
No comments:
Post a Comment