കസ്റ്റംസ് പരിശോധനകള്‍ കഴിഞ്ഞ് പുറത്തിറങ്ങാനൊരുങ്ങിയ അഷ്‌റഫിനെ അധികൃതര്‍ തടഞ്ഞു നിര്‍ത്തി ചോദ്യം ചെയ്യുകയും ബാഗ് തുറന്നു പരിശോധിക്കുകയും ചെയ്തപ്പോഴാണ് സ്വര്‍ണം കണ്ടത്. നാലു പെര്‍ഫ്യൂം കുപ്പികളുടെ അടപ്പിനുള്ളില്‍ ചെറുകഷ്ണങ്ങളായി മുറിച്ചും രണ്ടു മൊബൈല്‍ ഫോണിന്റെ ബാറ്ററികള്‍ക്കുപകരം ബാറുകളാക്കിയുമാണ് സ്വര്‍ണമുണ്ടായിരുന്നത്.
ദുബായിയില്‍ വച്ച് സുഹൃത്ത് മുസ്തഫ വഴി പരിചയപ്പെട്ട കൊടുവള്ളി സ്വദേശി സലീമാണ് സ്വര്‍ണം നല്‍കിയതെന്ന് ഇയാള്‍ പറഞ്ഞു. മകളുടെ വിവാഹത്തിനായി നാട്ടിലേക്ക് മടങ്ങുകയായിരുന്നു അഷ്‌റഫ്. ശനിയാഴ്ച പുലര്‍ച്ചെ ദുബായി വിമാനത്താവളത്തിലെ കാര്‍ പാര്‍ക്കിംഗിന് സമീപം വച്ചാണ് അഷ്‌റഫിന് സ്വര്‍ണം കൈമാറിയത്. എക്‌സ്‌റേ പരിശോധനയില്‍ കണ്ടെത്താന്‍ കഴിയാത്ത വിധമാണ് സ്വര്‍ണം ഒളിപ്പിച്ചിരുന്നതെന്ന് കസ്റ്റംസ് അധികൃതര്‍ പറഞ്ഞു.
കസ്റ്റംസ് കമ്മീഷണര്‍ ഡോ.കെ.എന്‍. രാഘന്റെ നിര്‍ദേശത്തില്‍ അസിസ്റ്റന്റ് കമ്മീഷണര്‍ സി.പി.എം. അബ്ദുള്‍ റഷീദ്, എയര്‍ കസ്റ്റംസ് ഇന്റലിജന്‍സ് സൂപ്രണ്ട് ഫ്രാന്‍സിസ് കോടങ്കണ്ടത്ത് എന്നിവരുടെ നേതൃത്വത്തില്‍ ഇന്റലിജന്‍സ് ഓഫീസര്‍മാരായ അഭിജിത് ഗുപ്ത, കെ.ആര്‍ സജീവ്, കൗസ്തുഭ്, സി. പ്രദീപ്കുമാര്‍ കുമാര്‍ ഹവീല്‍ദാര്‍മാരായ ചുണ്ടക്കാടന്‍ ബഷീര്‍, സി.എം. ഫ്രാന്‍സിസ് തുടങ്ങിയവരടങ്ങുന്ന സംഘമാണ് കള്ളക്കടത്ത് പിടികൂടിയത്.
Keywords: Kerala News, MalabarFlash, Malabar Vartha, Malabar News, Malayalam News
No comments:
Post a Comment