നാദാപുരം: [www.malabarflash.com] നാദാപുരം ടൗണില്‍ പോലീസ് വാഹനത്തിനു നേരെ കല്ലേറ്. നാദാപുരം സിഐയുടെ കീഴിലുളള സ്‌ട്രൈക്കിംഗ് ഫോഴ്‌സ് വാഹനത്തിനു നേരെയാണ് പുലര്‍ച്ചെ 2.45ന് അജ്ഞാതര്‍ കല്ലേറിഞ്ഞത്. കല്ലേറില്‍ വാഹനത്തിന്റെ് ചില്ലു തകര്‍ന്നു. ഒരു സീനിയര്‍ സിവില്‍ പോലീസ് ഓഫീസറും എട്ടു പോലീസുകാരുമാണ് ഡ്യൂട്ടിയിലുണ്ടായിരുന്നത്.
ഇരുട്ടിന്റെ മറവില്‍ സമീപത്തെ കെട്ടിടങ്ങള്‍ക്കുളളില്‍ നിന്നാണ് കല്ലേറുണ്ടായത്. കൂടുതല്‍ പോലീസെത്തി അക്രമികള്‍ക്കായി തെരച്ചില്‍ നടത്തിയെങ്കിലും ആരെയും കണെ്ടത്താനായില്ല. പട്രോളിംഗിനിടെ നാദാപുരം പെരിങ്ങെട്ടൂര്‍ സംസ്ഥാന പാതയില്‍ ബസ് സ്റ്റാന്‍ഡ് പരിസരത്തെ മെയിന്‍ റോഡില്‍ നിര്‍ത്തിയിട്ടതായിരുന്നു വാഹനം. മൂന്നു പ്രാവശ്യം കല്ലേറുണ്ടായി.
Keywords: Kerala News, MalabarFlash, Malabar Vartha, Malabar News, Malayalam News
No comments:
Post a Comment