എസ്.ബി.ടി കരമന കാലടി ബ്രാഞ്ചിലെ ജീവനക്കാരനായ അനീഷ് (28) ആണ് കാട്ടാക്കട പൊലീസിന്റെ പിടിയിലായത്. ടെക്‌നോപാര്‍ക്കിലെ ജിംനേഷ്യത്തില്‍ വെച്ചാണ് അനീഷ് യുവതിയെ കണ്ടുമുട്ടുന്നത്.
പിന്നീട് പ്രണയത്തിലായ ഇരുവരും തച്ചോട്ടുകാവ് പെരുകാവില്‍ വീട് വാങ്ങിയശേഷം ഒരുമിച്ചു താമസിക്കുകയും ചെയ്തു. ഇതിനിടയില്‍ യുവതി ഗര്‍ഭിണിയായെങ്കിലും അബോര്‍ഷന് വിധേയമാക്കിയതായി യുവതി പൊലീസില്‍ നല്‍കിയ പരാതിയില്‍ പറയുന്നു.
തന്നെ ഉപേക്ഷിച്ച് അനീഷ് മറ്റൊരു വിവാഹത്തിന് തയ്യാറെടുക്കുന്നതായി യുവതിക്ക് സൂചന ലഭിച്ചതോടെയാണ് പരാതി നല്‍കാന്‍ യുവതി തയ്യാറായത്. നാലുമാസം മുമ്പ് യുവതി പൂജപ്പുര പൊലീസില്‍ നല്‍കിയ പരാതിയില്‍ അനീഷിനെതിരെ കേസെടുത്തെങ്കിലും ഇയാള്‍ ഒളിവില്‍ പോയതിനാല്‍ പിടികൂടാനായില്ല.
സൈബര്‍ പൊലീസിന്റെ സഹായത്തോടെ ഇയാള്‍ക്കുവേണ്ടി നിരീക്ഷണം നടത്തിവന്ന പൊലീസ് ഇയാള്‍ മലയിന്‍കീഴുള്ളതായി മനസിലാക്കി കേസ് അവിടേക്ക് കൈമാറുകയായിരുന്നു. കാട്ടാക്കട സി.ഐ മനോജ് ചന്ദ്രന്റെ നേതൃത്വത്തിലുള്ള പൊലീസ് സംഘമാണ് തുടരന്വേഷണത്തില്‍ ഇയാളെ പിടികൂടിയത്. പൊലീസ് ഇയാളെ വിശദമായി ചോദ്യം ചെയ്തുവരികയാണ്.
ശ്രീശാന്തുള്‍പ്പെടെ പ്രമുഖ ക്രിക്കറ്റ് താരങ്ങള്‍ക്കൊപ്പം നിരവധി മത്സരങ്ങളില്‍ പങ്കെടുത്തിട്ടുള്ള അനീഷ് എസ്.ബി.ടിയുടെ ക്രിക്കറ്റ് ടീമിലും അംഗമായിരുന്നു. ദുലീപ്‌ട്രോഫിയിലും ഇയാള്‍ പങ്കെടുത്തിട്ടുണ്ട്.
No comments:
Post a Comment