വൈകാതെ മുകള്‍ നിലകളിലേക്കും തീ പടര്‍ന്നുപിടിക്കുകയായിരുന്നു. സിവില്‍ ഡിഫന്‍സിനും സൗദി അറാംകൊക്കും കീഴിലെ യൂനിറ്റുകള്‍ അഗ്നിശമന, രക്ഷാപ്രവര്‍ത്തനങ്ങള്‍ നടത്തി. രക്ഷാപ്രവര്‍ത്തനങ്ങള്‍ക്ക് ഹെലികോപ്റ്ററുകളും പ്രയോജനപ്പെടുത്തി. അഗ്നിബാധയുണ്ടായ കെട്ടിടത്തിലെ മുഴുവന്‍ താമസക്കാരെയും കോംപൗണ്ടിലെ മറ്റു കെട്ടിടങ്ങളിലേക്ക് മാറ്റിപ്പാര്‍പ്പിച്ചു.
ശ്വാസടസ്സമുണ്ടായവരുടെയും പരിക്കേറ്റവരുടെയും നില ഗുരുതരമായതിനാല്‍ മരണ സംഖ്യ ഉയര്‍ന്നേക്കും. മരിച്ചവരില്‍ ഇന്ത്യക്കാര്‍ ഉള്‍പ്പെട്ടിട്ടില്ലെന്നാണ് പ്രാഥമിക വിവരം. എന്നാല്‍ കെട്ടിടത്തില്‍ മലയാളികള്‍ ഉള്‍പ്പെടെ താമസക്കാരായുണ്ട്.
അടിയിലെ നിലയിലെ കാറുകള്‍ക്കും ഫര്‍ണിച്ചറിനും തീപ്പിടിച്ചതോടെ മുകള്‍ നിലകളില്‍ കനത്ത പുക നിറയുകയും അഗ്നിശമന, രക്ഷാപ്രവര്‍ത്തനങ്ങള്‍ ദുഷ്‌കരമാകുകയും ചെയ്തു. പരിക്കേറ്റവരെ ദഹ്‌റാനിലെ സൗദി അറാംകൊ ആശുപത്രിയിലും കിഴക്കന്‍ പ്രവിശ്യയിലെ മറ്റു ആശുപത്രികളിലും പ്രവേശിപ്പിച്ചു. നിസാര പരിക്കേറ്റവര്‍ പ്രാഥമിക ശുശ്രൂഷകള്‍ക്കു ശേഷം ആശുപത്രികള്‍ വിട്ടു.
Keywords: Gulf News, Kerala Vartha, Malabarflash, Malabar news, Malayalam News
No comments:
Post a Comment