റെയില്‍ പാളത്തിന് സമീപം ചോരയില്‍ കുളിച്ചുകിടക്കുകയായിരുന്ന രാജനെ റെയില്‍വേ പോലീസ് മംഗളൂരുവിലെ ആശുപത്രിയിലെത്തിച്ചെങ്കിലും രാത്രിയോടെ മരണം സംഭവിക്കുകയായിരുന്നു. ഞായറാഴ്ചയാണ് രാജന്റെ മരണ വിവരം നാട്ടിലറിയുന്നത്.
കീശയിലെ കടലാസില്‍ നിന്നും ലഭിച്ച മൊബൈല്‍ നമ്പറില്‍ ബന്ധപ്പെട്ടാണ് വീട്ടുകാരെ വിവരമറിയിച്ചത്. തുടര്‍ന്ന് ബന്ധുക്കള്‍ മംഗളൂരുവിലെ ആശുപത്രിയിലെത്തി മൃതദേഹം തിരിച്ചറിയുകയായിരുന്നു. ശനിയാഴ്ച രാവിലെയാണ് രാജന്‍ മംഗളൂരുവിലേക്ക് പോയത്. വൈകിട്ട് തിരിച്ച് നാട്ടിലേക്ക് മടങ്ങവെയാണ് അപകടത്തില്‍ പെട്ടത്.
മൃതദേഹം മംഗളൂരു വെന്‍ലോക്ക് ആശുപത്രിയില്‍ പോസ്റ്റുമോര്‍ട്ടം നടത്തി തിങ്കളാഴ്ച വൈകിട്ടോടെ നാട്ടിലെത്തിച്ച് സംസ്‌കരിച്ചു.
പരേതനായ ചന്തന്‍ മേസ്ത്രി - കുഞ്ഞമ്മ ദമ്പതികളുടെ മകനാണ്. ഭാര്യ: ബിന്ദു. മക്കള്‍: വിപിന്‍രാജ്, വിഷ്ണുരാജ്. സഹോദരങ്ങള്‍: ബബന്‍, ബാബു, കാര്‍ത്യാനി, ബേബി, സാവിത്രി, രവി
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment