ഉദുമയില്‍ രണ്ടിടത്ത് യു.ഡി.എഫ് സ്ഥാനാര്‍ത്ഥികള്‍ക്ക് റിബല്‍ ഭീഷണി

ഉദുമ[www.malabarflash.com]: ത്രിതല പഞ്ചായത്ത് തിരഞ്ഞെടുപ്പിനുളള പത്രിക സമര്‍പ്പണം പൂര്‍ത്തിയായപ്പോള്‍ കോണ്‍ഗ്രസ്സിന്റെ ശക്തി കേന്ദ്രമായ രണ്ട് വാര്‍ഡുകളില്‍ റിബല്‍ ഭീഷണി.

കോണ്‍ഗ്രസ്സിന്റെ സിററിംങ്ങ് വാര്‍ഡായ പളളം തെക്കേക്കരയില്‍ യു.ഡി.എഫ് സ്ഥാനാര്‍ത്ഥി പ്രഭാകരന്‍ തെക്കേക്കരക്കെതിരെ കോണ്‍ഗ്രസ്സ് ഉദുമ മണ്ഡലം സെക്രട്ടറി കെ.വി ശ്രീധരനും, അംബികാനഗറില്‍ യു.ഡി.എഫിലെ ഉദയമംഗലം സുകുമാരനെതിരെ കോണ്‍ഗ്രസ്സ് പ്രാദേശിക നേതാവ് പി.കെ. ചന്ദ്രനുമാണ് റിബലായി പത്രിക നല്‍കിയത്. 

അംബികാനഗറില്‍ സുകുമാരനെതിരെ മുസ്‌ലിം ലീഗ് പ്രവര്‍ത്തകനായ സാഹിദും പത്രിക നല്‍കിയിട്ടുണ്ട്.

ബ്‌ളോക്ക് പഞ്ചാത്തിലേക്ക് പാലക്കുന്നില്‍ നിന്നും മത്സരിക്കുന്ന അന്‍വര്‍ മാങ്ങാടിനെതിരെ ഐ.എന്‍.ടി.യു.സി നേതാവ് ചന്ദ്രശേഖരനും പത്രിക നല്‍കിയിട്ടുണ്ട്.




Keywords:Kasaragod News, Kerala Vartha, Malabarflash, Malabar news, Malayalam News