Latest News

കെ.എ മുഹമ്മദാലി ഉദുമ പഞ്ചായത്ത് പ്രസിഡണ്ട്

ഉദുമ[www.malabarflash.com]: മുസ്‌ലിം ലീഗിലെ കെ.എ മുഹമ്മദാലി ഉദുമ ഗ്രാമ പഞ്ചായത്ത് പ്രസിഡണ്ടാകും. ചൊവ്വാഴ്ച ചേര്‍ന്ന യു.ഡി.എഫ് യോഗത്തിലാണ് തീരുമാനമായത്.
നാലാംവാതുക്കല്‍ വാര്‍ഡില്‍ നിന്നുമാണ് മുഹമ്മദലി തെരഞ്ഞെടുക്കപ്പെട്ടത്.

മുമ്പ് മൂന്ന് തവണ ഗ്രാമ പഞ്ചായത്ത് അംഗമായി പ്രവര്‍ത്തിച്ചിരുന്ന മുഹമ്മദലി ഉദുമയിലെ രാഷ്ട്രീയ സാമൂഹ്യ സാംസ്‌കാരിക കായിക രംഗത്തെ നിറ സാന്നിദ്ധ്യമാണ്. നിലവില്‍ മുസ്‌ലിം ലീഗ് സംസ്ഥാന കൗണ്‍സിലറായ മുഹമ്മദലി, ഉദുമ പഞ്ചായത്ത് ലീഗ് പ്രസിഡണ്ട്, ജില്ലാ വര്‍ക്കിംങ്ങ് കമ്മിററി അംഗം എന്നീ നിലയിലും പ്രവര്‍ത്തിച്ചിട്ടുണ്ട്.ഉദുമ ഇസ്‌ലാമിയ എ.എല്‍.പി സ്‌കൂള്‍ മാനേജരാണ്
മികച്ച ഫുട്‌ബോള്‍ താരമായിരുന്ന മുഹമ്മദലി ഉദുമ ഗവ: ഹൈസ്‌കൂള്‍ ടീമിലും, കേളേജ് ടീമും അംഗമായിരുന്നു. പരേതരായ അബ്ദുല്‍റഹിമാന്‍ ആസ്യൂമ്മ ദമ്പതികളുടെ മകനാണ് എഴുപത് കാരനായ മുഹമ്മദലി.
ഭാര്യ: ഇഖ്ബാലുന്നിസ, മക്കള്‍: ഡോ. ഫയാസ്, ഫസല്‍, ഫൗസിയ, ഫമിദ




Keywords: Kasaragod News, Kerala Vartha, Malabarflash, Malabar news, Malayalam News

No comments:

Post a Comment

Copyright © 2019 MALABAR FLASH | Design & Maintained by KSDM

Powered by Blogger.