കാഞ്ഞങ്ങാട്ട് കുടുംബശ്രീയുടെ ഹോട്ടലിന് തീവെച്ചു

കാഞ്ഞങ്ങാട്:[www.malabarflash.com] അത്തിക്കോത്ത് ഉണ്ണിപ്പീടികക്കടുത്ത കുടുംബശ്രീ പ്രവര്‍ത്തകര്‍ നടത്തുന്ന ഹോട്ടല്‍ കത്തി നശിച്ചു. വ്യാഴാഴ്ച പുലര്‍ച്ചെ 2 മണിക്കാണ് ഹോട്ടല്‍ കത്തിനശിച്ച നിലയില്‍ കണ്ടത്. രാത്രി സ്‌ഫോടന ശബ്ദം കേട്ടെങ്കിലും ഇടിമിന്നലാണെന്ന് കരുതി ആരും ശ്രദ്ധിച്ചിരുന്നില്ല. ഹോട്ടലിലെ ഗ്യാസ് സിലിണ്ടര്‍ പൊട്ടിത്തെറിച്ചതാണെന്ന് പിന്നീടാണ് അറിഞ്ഞത്.

തീവെച്ചതാണെന്നാണ് സംശയിക്കുന്നത്. നഗരസഭാ ഒമ്പതാം വാര്‍ഡില്‍ പെട്ട കുടുംബശ്രീയിലെ അംഗങ്ങള്‍ ബി.ജെ.പിയിലെ വിമത സ്ഥാനാര്‍ത്ഥി ടി.വി അജയകുമാറിന് വോട്ട് നല്‍കിയതായി നേരത്തെ പ്രചരണമുണ്ടായിരുന്നു. തീവെപ്പിനുള്ള കാരണം ഇതാകാമെന്ന സംശയമുണ്ട്. 

75,000 രൂപയുടെ നഷ്ടം സംഭവിച്ചു. ഹോട്ടല്‍ തന്റെ ചെലവില്‍ പുതുക്കിപ്പണിയാമെന്ന വാഗ്ദാനവുമായി കൗണ്‍സിലര്‍ ടി.വി അജയകുമാര്‍ മുന്നോട്ട് വന്നു. കത്തിനശിച്ച ഹോട്ടല്‍ ഇ. ചന്ദ്രശേഖരന്‍ എം.എല്‍.എ, നഗരസഭാ കൗണ്‍സിലര്‍ വി.വി. രമേശന്‍, ബി.ജെ.പി നിയോജക മണ്ഡലം പ്രസിഡണ്ട് ഇ. കൃഷ്ണന്‍ എന്നിവര്‍ സന്ദര്‍ശിച്ചു.

Keywords: Kasaragod News, Kerala Vartha, Malabarflash, Malabar news, Malayalam News