കൊണ്ടോട്ടിയില്‍ ലോറിയില്‍ ബസിടിച്ച് 5 മരണം

മലപ്പുറം:[www.malabarflash.com] ഐക്കരപ്പടിക്ക് സമീപം ടൂറിസ്റ്റ് ബസ് ലോറിയുമായി കൂട്ടിയിടിച്ച് ബസ് യാത്രക്കാരായ അഞ്ചു പേര്‍ മരിച്ചു. മട്ടന്നൂര്‍ സ്വദേശികളായ രവീന്ദ്രന്‍ (54), ഓമന (42), ദേവി (67), സൂര്യ (13) അതുല്‍ (10) എന്നിവരാണ് മരിച്ചത്. ഐക്കരപ്പടിയില്‍ പുലര്‍ച്ചെ നാലിനായിരുന്നു അപകടം. 20 ഓലം പേര്‍ക്ക് അപകടത്തില്‍ പരിക്കേറ്റു. ഇതില്‍ പത്തോളം പേരുടെ നിലഗുരുതരമാണ്.

സേലത്ത് വിവാഹചടങ്ങില്‍ പങ്കെടുത്ത ശേഷം മട്ടന്നൂരിലേക്കു മടങ്ങുകയായിരുന്ന സംഘമാണ് അപകടത്തില്‍പെട്ടത്. ബൈക്ക് യാത്രക്കാരനെ രക്ഷിക്കാന്‍ ശ്രമിക്കുന്നതിനിടെ ബസ് ലോറിയില്‍ ഇടിക്കുകയായിരുന്നു. ഇടിയുടെ ആഘാതത്തില്‍ തകര്‍ന്ന ബസില്‍നിന്നു യാത്രക്കാരില്‍ ചിലര്‍ പുറത്തേക്കു തെറിച്ചു വീണു.

ബസില്‍ ഡ്രൈവര്‍ അടക്കം 32 പേരാണ് യാത്ര ചെയ്തിരുന്നത്. പോലീസ് സ്ഥലത്തെത്തി രക്ഷാ പ്രവര്‍ത്തനത്തിനു നേതൃത്വം നല്‍കി. പരിക്കേറ്റവരില്‍ ചിലരെ കോഴിക്കോട് മെഡിക്കല്‍ കോളജിലും മറ്റു സ്വകാര്യ ആശുപത്രിയിലും പ്രവേശിപ്പിച്ചു. 

പോലീസ് കണ്‍ട്രോള്‍ റൂം തുറന്നു. 9497987163, 9497980659, 0481-2734993.

Keywords: Kerala News, Kerala Vartha, Malabarflash, Malabar news, Malayalam News