തുടര്ന്ന് നടന്ന ഹുബ്ബുറസൂല് പ്രഭാഷണ സദസ്സിന് സംഘടനയുടെ അബുദാബി ഘടകം ആക്ടിംഗ് പ്രസിഡണ്ട് എ.ആര്.കെ. കള്ളാര് അധ്യക്ഷനായി. അബുദാബി സുന്നീ സെന്റര് ഉപാധ്യക്ഷന് ഉസ്താദ് അബ്ദുല് റഊഫ് അഹ്സനി ഉദ്ഘാടനം ചെയ്തു. തുടര്ന്ന് നടന്ന 'ഹുബ്ബുറസൂല്' വിഷയം അധികരിപ്പിച്ചുകൊണ്ടുള്ള മുഖ്യപ്രഭാഷണം ഇബ്രാഹിം ഖലീല് ഹുദവി അല് മാലികി നിര്വഹിച്ചു.
സമാപന പ്രാര്ത്ഥനയ്ക്ക് ഇബ്രാഹിം ഖലീല് ഹുദവി നേതൃത്വം നല്കി. തബറുക്ക് വിതരണവും അന്നദാനവും നടത്തി സമാപനം കുറിച്ച പരിപാടി ജനപങ്കാളിത്തം കൊണ്ടും ഏറെ ശ്രദ്ധേയമായി.
ഇസ്ലാമിക് സെന്റര് സെക്രട്ടറിമാരായ സി.എച്ച് അഷ്റഫ് കൊത്തിക്കാല്, സാബിര് പി. മാട്ടൂല്, സംയുക്ത ജമാഅത്ത് അബുദാബി ഘടകം ഭാരവാഹികളായ അബ്ദുര് റഹ്മാന് ആറങ്ങാടി, കെ.കെ സുബൈര് വടകരമുക്ക്, അഷ്റഫ് സിയാറത്തിങ്കര, ഉസാമ മുബാറക് ചിത്താരി എന്നിവര് സംബന്ധിച്ചു. പരിപാടിയില് സെക്രട്ടറി പി.എം ഫാറൂഖ് അതിഞ്ഞാല് സ്വാഗതവും ട്രഷറര് ബഷീര് ഇടത്തോട് നന്ദിയും പറഞ്ഞു.
Keywords: gulf News, Kerala Vartha, Malabarflash, Malabar news, Malayalam News
No comments:
Post a Comment