കോഴിക്കോട് മാന്‍ ഹോളില്‍ വീണ് ജീവന്‍ നഷ്ടമായ നൗഷാദിന്റെ കുടുംബത്തിന് സര്‍ക്കാര്‍ സഹായ ധനം അനുവദിച്ചത് നൗഷാദ് മുസ്ലീമായതു കൊണ്ടാണെന്ന വിവാദപരമായ പ്രസ്താവനയെ തുടര്‍ന്നാണ് വെള്ളാപ്പള്ളി നടേശനെതിരെ കേസ് എടുത്തിരിക്കുന്നത്. തിരുവനന്തപുരത്ത് വാര്‍ത്താ സമ്മേളനത്തിലാണ് വെള്ളാപ്പള്ളിക്കെതിരെ കേസെടുത്ത വിവരം ആഭ്യന്തരമന്ത്രി രമേശ് ചെന്നിത്തല അറിയിച്ചത്.
'വെള്ളാപ്പള്ളിയുടെ വിവാദ പ്രസ്താവന സംബന്ധിച്ച് കെ.പി.സി.സി പ്രസിഡന്റ് വി.എം സുധീരന്റെയും ടി.എന്‍ പ്രതാപന്‍ എം.എല്‍.എയുടെയും പരാതി തനിക്ക് ലഭിച്ചിരുന്നു. പ്രതിപക്ഷ നേതാവ് വി.എസ് അച്യുതാനന്ദനും ഇതേ ആവശ്യം ഉന്നയിച്ചിട്ടുണ്ട്. ഈ പരാതികളെല്ലാം കണക്കിലെടുത്താണ് വെള്ളാപ്പള്ളിക്കെതിരെ കേസെടുക്കുന്നതെന്നും അദ്ദേഹം പറഞ്ഞു.
ആലുവ പോലീസ് ഇതു സംബന്ധിച്ച് വിശദമായ അന്വേഷണം നടത്തുമെന്നും ആഭ്യന്തര മന്ത്രി പറഞ്ഞു. മൈക്രോഫിനാന്‍സ് തട്ടിപ്പില്‍ വി.എസിന്റെ പരാതയില്‍ അന്വേഷണം നടക്കുന്നതിനാല്‍ അതിനെക്കുറിച്ച് ഇപ്പോള്‍ പ്രതികരിക്കുന്നില്ലെന്നും അദ്ദേഹം പറഞ്ഞു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment