ഹരിദ്വാര്:[www.malabarflash.com] എല്ലാം ത്യജിച്ചവരാണ് സന്ന്യാസിമാര്. വര്ഷങ്ങള്ക്ക് മുന്പ് സ്വന്തം കുടുംബവും വ്യാപാരവുമെല്ലാം ഉപേക്ഷിച്ച് ഹിമാലയത്തിലേയ്ക്ക് പോയ ആളാണ് സുധീര് കുമാര് മക്കഡ്. ഇന്ന് സുധീര്കുമാര് ബാബയാണ്. വെറും ബാബയല്ല, ഗോള്ഡന് ബാബ. ഹരിദ്വാറില് നടക്കുന്ന അര്ധകുംഭമേളയ്ക്കെത്തിയ ബാബമാരിലെ താരമാണ്. അനേകായിരം ബാബമാര്ക്കൊപ്പം ഗോള്ഡന് ബാബ ഗംഗാസ്നാനം നടത്തുന്നത് അടിമുടി പൊന്നണിഞ്ഞാണ്. പതിനഞ്ചര കിലോഗ്രാം സ്വര്ണമാണ് മാലയും വളയും മോതിരവും കൈച്ചട്ടയുമെല്ലാമായി ബാബയുടെ ദേഹത്തുള്ളത്. മൊത്തം മൂന്ന് കോടി രൂപ വരും ബാബ നിത്യവും അണിഞ്ഞുനടക്കുന്ന ഈ ആഭരണങ്ങളുടെ മൂല്യം. ഇതില് ഒരു മോതിരത്തില് പതിപ്പിച്ച രത്നത്തിന് മാത്രം വരും 27 ലക്ഷം രൂപ.
എന്തിന് ഒരു ബാബ ഇത്രയും സ്വര്ണാഭരണങ്ങള് അണിഞ്ഞ് നടക്കുന്നുവെന്ന് ചോദിച്ചാല് ശിഷ്യരാവും ഉത്തരം തരിക. സ്വര്ണം അമൂല്യമാണ്. അപൂര്വവുമാണ്. അതുപോലെ തന്നെയാണ് ഞങ്ങളുടെ ഗുരുവും. അദ്ദേഹം സ്വര്ണം അണിഞ്ഞ് നടക്കുന്നതിന്റെ കാരണവും അതാണ്. അദ്ദേഹത്തിന്റെ വ്യക്തിത്വമാണ് അതിലൂടെ പ്രതിഫലിക്കുന്നത്-ശിഷ്യര് പറയും.
അമ്പത്തിമൂന്നുകാരനായ ബാബയ്ക്ക് പൂര്വാശ്രമത്തില് ഡല്ഹിയില് വസ്ത്രവ്യാപാരമായിരുന്നു. വ്യാപാരിയായിരുന്ന കാലത്ത് ചെയ്ത പാപങ്ങള്ക്ക് പരിഹാരം ചെയ്യാനാണ് താന് ബാബയായതെന്ന് സുധീര്കുമാര് പറയുന്നു. സമൂഹത്തിലെ പാവങ്ങളെ സഹായിക്കുകയാണ് തന്റെ ലക്ഷ്യമെന്നും ബാബ പറയുന്നു.
Keywords: National News, Kerala Vartha, Malabarflash, Malabar news, Malayalam News
എന്തിന് ഒരു ബാബ ഇത്രയും സ്വര്ണാഭരണങ്ങള് അണിഞ്ഞ് നടക്കുന്നുവെന്ന് ചോദിച്ചാല് ശിഷ്യരാവും ഉത്തരം തരിക. സ്വര്ണം അമൂല്യമാണ്. അപൂര്വവുമാണ്. അതുപോലെ തന്നെയാണ് ഞങ്ങളുടെ ഗുരുവും. അദ്ദേഹം സ്വര്ണം അണിഞ്ഞ് നടക്കുന്നതിന്റെ കാരണവും അതാണ്. അദ്ദേഹത്തിന്റെ വ്യക്തിത്വമാണ് അതിലൂടെ പ്രതിഫലിക്കുന്നത്-ശിഷ്യര് പറയും.
അമ്പത്തിമൂന്നുകാരനായ ബാബയ്ക്ക് പൂര്വാശ്രമത്തില് ഡല്ഹിയില് വസ്ത്രവ്യാപാരമായിരുന്നു. വ്യാപാരിയായിരുന്ന കാലത്ത് ചെയ്ത പാപങ്ങള്ക്ക് പരിഹാരം ചെയ്യാനാണ് താന് ബാബയായതെന്ന് സുധീര്കുമാര് പറയുന്നു. സമൂഹത്തിലെ പാവങ്ങളെ സഹായിക്കുകയാണ് തന്റെ ലക്ഷ്യമെന്നും ബാബ പറയുന്നു.
Keywords: National News, Kerala Vartha, Malabarflash, Malabar news, Malayalam News
No comments:
Post a Comment