45 കിലോ വിഭാഗത്തിലെ മത്സരത്തിലായിരുന്നു ഒരു മിനിറ്റ് കൊണ്ട് പുരുഷ എതിരാളിയെ തോല്പ്പിച്ചു റാണി റാണെ കരുത്തു തെളിയിച്ചത്. മധ്യപ്രദേശില് നടന്ന എംഹൗ ഗുസ്തി മത്സരത്തിലായിരുന്നു സംഭവം.
45 കിലോ വിഭാഗത്തിലെ മത്സരം പ്രഖ്യാപിച്ച ഉടന് റാണി ഗോദയില് കയറി വിനോദ് എന്ന പുരുഷതാരത്തെ വെല്ലുവിളിച്ചു. ഈ വെല്ലുവിളി സ്വീകരിച്ചാണ് വിനോദ് ഗോദയില് എത്തിയത്. അനായാസം റാണിയെ തോല്പ്പിക്കാമെന്ന കണക്കുകൂട്ടലില് എത്തിയ വിനോദിനു പിഴച്ചു.
വെറും ഒരുമിനിറ്റു കൊണ്ടു വിനോദിനെ റാണി മലര്ത്തിയടിച്ചു.
വെറും ഒരുമിനിറ്റു കൊണ്ടു വിനോദിനെ റാണി മലര്ത്തിയടിച്ചു.
താന് നേരത്തെയും പുരുഷ താരങ്ങളെ തോല്പ്പിച്ചിട്ടുണ്ടെന്നാണു റാണി മത്സരശേഷം പറഞ്ഞത്. ശക്തിയുടെ കാര്യത്തില് പുരുഷന്മാരെക്കാള് ഒട്ടും പിന്നിലല്ല സ്ത്രീകള് എന്ന് ബോധ്യപ്പെടുത്താനാണ് വിനോദിനെ വെല്ലുവിളിച്ചതെന്നും തോല്പ്പിച്ചതെന്നും റാണി വ്യക്തമാക്കി.
പെണ്കുട്ടികളില് ആത്മവിശ്വാസം വളര്ത്താന് റാണിയുടെ പ്രകടനം സഹായിക്കുമെന്ന് ഒളിമ്പ്യന് കൃപാശങ്കര് പട്ടേല് പറഞ്ഞു. ഇന്ഡോര് സ്പോര്ട്സ് അഥോറിറ്റിയുടെ കീഴിലുള്ള കേന്ദ്രത്തില് 2010 മുതലാണു റാണി ഗുസ്തി പഠിക്കാന് തുടങ്ങിയത്.
Keywords: National News, Kerala Vartha, Malabarflash, Malabar news, Malayalam News
No comments:
Post a Comment