പെര്ളയിലെ സാന്ത്വന ബഡ്സ് സ്കൂളിലായിരുന്നു രാവിലെ ആദ്യ സന്ദര്ശനം. കുട്ടികളും അധ്യാപികമാരും പിണറായിയെയും സംഘത്തെയും സ്വീകരിച്ചു.
പിന്നീട് എന്ഡോസള്ഫാന് ഇരയായ അന്തരിച്ച കുമാരന് മാഷിന്റെ സ്വര്ഗയിലെ വീട്ടിലെത്തി വീട്ടുകാരെ കണ്ടു. തുടര്ന്ന് വാണി നഗറിലെ ദുരിതബാധിതരായ ശങ്കര മൂല്യയുടെ കുടുബത്തെ കണ്ടു.
എന്ഡോസള്ഫാന് കുഴിച്ചിട്ടു എന്നുപറയുന്ന നെഞ്ചംപറമ്പിലെ കിണറും പിണറായി സന്ദര്ശിച്ചു. ആദ്യകാല പ്ലാന്റേഷന് തൊഴിലാളി അച്യുത മണിയാണി പഴയ സംഭവങ്ങള് വിവരിച്ചു.
ഉച്ചയ്ക്ക് അടുക്കം ബഡ്സ് സ്കൂളിലെത്തിയ പിണറായിയെ കുട്ടികള് സ്വീകരിച്ചു. പിന്നീട് മുളിയാര് ബഡ്സ് സ്കൂളും പിണറായി സന്ദര്ശിച്ചു.
സി.പി.എം. നേതാക്കളായ പി.കരുണാകരന് എം.പി., എം.വി.ഗോവിന്ദന്, കെ.ജെ.തോമസ്, കെ.പി.സതീഷ്ചന്ദ്രന്, എം.വി.ബാലകൃഷ്ണന്, കെ.കുഞ്ഞിരാമന് എം.എല്.എ., സി.എച്ച്.കുഞ്ഞമ്പു, വി.പി.പി.മുസ്തഫ, സിജി മാത്യു, എം.വി.രഘുദേവന് എന്നിവരും പിണറായിക്ക് ഒപ്പമുണ്ടായിരുന്നു.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment