ബേക്കല്‍ ഹദ്ദാദ് നഗറില്‍ കാറിടിച്ച് പത്തുവയസ്സുകാരന്‍ മരിച്ചു

ബേക്കല്‍:[www.malabarflash.com] റോഡ് മുറിച്ചുകടക്കുകയായിരുന്ന പത്തുവയസ്സുകാരന്‍ മരിച്ചു. ബേക്കല്‍ ഹദ്ദാദ് നഗറിലെ ഖാദര്‍ ഫീഫാത്തിമ ദമ്പതികളുടെ മകന്‍ അജ്‌നാസ് (10) ആണ് മരിച്ചത്. വ്യാഴാഴ്ച രാത്രി എട്ട് മണിയോടെ ഹദ്ദാദ് നഗറിലായിരുന്നു അപകടം.

റോഡ് മുറിച്ചുകടക്കുന്നതിനിടെ കുണിയ സ്വദേശികള്‍ യാത്ര ചെയ്യുകയായിരുന്ന ഐ20 കാര്‍ ഇടിക്കുകയായിരുന്നു. ഗുരുതരമായി പരിക്കേറ്റ അജ്‌നാസിനെ ആദ്യം ഉദുമയിലെ സ്വകാര്യ ആശുപത്രിയിലും പിന്നീട് കാസര്‍കോട്ടെ ആശുപത്രിയും പ്രവേശിപ്പിച്ചു. നില ഗുരുതരമായതിനെ തുടര്‍ന്ന് മംഗളൂരുവിലെ ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല.
സഹോദരങ്ങള്‍: മുജീബ്, അജ്മല്‍ (ഇരുവരും വിദ്യാര്‍ത്ഥികള്‍), ജുവൈരിയ.

UPDATE

Keywords:Kasaragod News, Kerala Vartha, Malabarflash, Malabar news, Malayalam News