ശനിയാഴ്ച വൈകിട്ട് മൂന്നു മണിയോടെയാണ് സംഭവം.
വോട്ട്‌ചെയ്യാനെത്തിയ ഒരാള്‍ക്ക് തിരിച്ചറിയല്‍ കാര്‍ഡില്ലെന്നതിന്റെപേരിലാണ് പ്രശ്‌നം ഉടലെടുത്തത്. ഇതേതുടര്‍ന്ന് ലീഗ് പ്രവര്‍ത്തകര്‍ അബ്ദുര്‍ റഹ്മാനെ മര്‍ദിച്ചുവെന്നാണ് പരാതി. പിന്നീട് വിവരമറിഞ്ഞ് ചെര്‍ക്കളയിലെത്തിയ കരീമിനേയും രവീന്ദ്രനേയും കയ്യേറ്റംചെയ്യുകയും മര്‍ദിക്കുകയായിരുന്നുവത്രെ. ഇതിനിടയില്‍ ഇരുവിഭാഗങ്ങള്‍തമ്മില്‍ സംഘര്‍ഷം ഉടലെടുത്തതോടെ ജില്ലാ പോലീസ് ചീഫ് എ ശ്രീനിവാസന്റെ നേതൃത്വത്തില്‍ വന്‍ പോലീസെത്തി ജനക്കൂട്ടത്തെ പിരിച്ചുവിടാന്‍ ഗ്രനേഡ് പ്രയോഗിക്കുകയായിരുന്നു.
കസ്റ്റഡിയിലെടുത്ത യൂത്ത് ലീഗ് ശാഖാ പ്രസിഡന്റിനെ പോലീസ് ക്രൂരമായി തല്ലിച്ചതച്ചതായി ലീഗ് കേന്ദ്രങ്ങള്‍ ആരോപിച്ചു.
അതിനിടെ പരിക്കേറ്റ് കാസര്‍കോട് ജനറല്‍ ആശുപത്രിയില്‍കൊണ്ടുവന്ന യൂത്ത് ലീഗ് പ്രവര്‍ത്തകനെ പോലീസ് കേസിലെ പ്രതിയാണെന്ന് പറഞ്ഞ് ബലംപ്രയോഗിച്ച് ആശുപത്രിയില്‍നിന്ന് കൊണ്ടുപോകാന്‍ ശ്രമിച്ചതും ജനറല്‍ ആശുപത്രി പരിസരത്ത് സംഘര്‍ഷത്തിനിടയാക്കി.
Keywords: kasaragod News, Kerala Vartha, Malabarflash, Malabar news, Malayalam News
No comments:
Post a Comment