പരിസരവാസികളായ മറ്റു മൂന്നുപേര്‍ക്കും പരുക്കുണ്ട്. പ്രദേശത്താകെ വെടിമരുന്നിന്റെ രൂക്ഷഗന്ധമാണ്. സമീപത്തെ ഒട്ടേറെ വീടുകള്‍ക്കും കേടുപാടുണ്ട്. വന്‍ ശബ്ദത്തോടെയായിരുന്നു സ്‌ഫോടനം. തകര്‍ന്ന വീടിന്റെ ചെങ്കല്‍ച്ചീളുകള്‍ നൂറുമീറ്ററിലേറെ അകലെവരെ തെറിച്ചുവീണു. മൂന്നു കിലോമീറ്റര്‍ ചുറ്റളവിലെ ഒട്ടേറെ വീടുകളുടെ ജനല്‍ച്ചില്ലുകള്‍ തകര്‍ന്നിട്ടുണ്ട്. അഞ്ചു കിലോമീറ്റര്‍ ദൂരെവരെ സ്‌ഫോടനത്തിന്റെ പ്രകമ്പനമുണ്ടായി.
പ്രദേശത്ത് വൈദ്യുതി മുടങ്ങിയതിനാല്‍ സംഭവസ്ഥലമാകെ ഇരുട്ടിലാണ്. പൊലീസും ഫയര്‍ഫോഴ്‌സും സംഭവസ്ഥലത്തെത്തി. വന്‍ ജനക്കൂട്ടവും വിവരം അറിഞ്ഞ് എത്തിയിട്ടുണ്ട്. സ്‌ഫോടനത്തെത്തുടര്‍ന്ന് പ്രദേശത്തെ വീടുകളുടെ ജനലുകളും വാതിലുകളും കുലുങ്ങിയത് നാട്ടുകാരെ പരിഭ്രാന്തരാക്കി. ഭൂമികുലുക്കമാണെന്നു കരുതി പലരും വീടിനു പുറത്തിറങ്ങി നിന്നു.
ഉന്നത പോലീസ് ഉദ്യോഗസ്ഥരും ബോംബ് സ്‌കോഡും സ്ഥലത്തെത്തിയിട്ടുണ്ട്.
വീട്ടില്‍ സൂക്ഷിച്ചിരുന്ന സ്‌ഫോടക വസ്തുക്കള്‍ പൊട്ടിത്തെറിക്കുകയായിരുന്നുവെന്നാണ് സൂചന.
Keywords: Kannur News, Kerala Vartha, Malabarflash, Malabar news, Malayalam News
No comments:
Post a Comment