ശോഭനയുടെ വീട്ടില് വര്ഷങ്ങളായി മന്ത്രവാദം നടത്തിവരുന്നതായി അയല്വാസികളായ 51 പേര് ജില്ലാ കലക്ടര്ക്കു പരാതി നല്കിയതിനെത്തുടര്ന്നു മന്ത്രവാദം നടത്തുന്നവര് വനിതാ സെല്ലില് എത്തണമെന്നു നോട്ടിസ് നല്കാനാണു സിഐയും പോലീസ് ഉദ്യോഗസ്ഥയും ശനിയാഴ്ച വൈകുന്നേരം ശോഭനയുടെ വീട്ടിലെത്തിയത്. ശോഭനയും മകളും കുഞ്ഞമ്മയും നോട്ടിസ് കൈപ്പറ്റി. വീടിനുള്ളില് പുകപടലങ്ങള് കണ്ടപ്പോള് അത് എന്താണെന്നു ചോദിക്കവെ, മൂവരും ചേര്ന്ന് ആക്രമിക്കുകയായിരുന്നെന്നു സിഐ പറഞ്ഞു.
താഴെ വീണ സിഐയുടെ കയ്യില് വടി ഉപയോഗിച്ച് അടിക്കുകയായിരുന്നു. തടസ്സം പിടിക്കാനെത്തിയ ലേഖയെയും മര്ദിച്ചു. വിവരമറിഞ്ഞെത്തിയ നൂറനാട് എസ്ഐ പി. മോഹനചന്ദ്രന്, പൊലീസ് ഓഫിസര്മാരായ വി. ബൈജു, രാധാകൃഷ്ണന്, അരുണ്, പ്രസന്നകുമാരി, ജസിലി എന്നിവര് ചേര്ന്ന് ഇവരെ കസ്റ്റഡിയിലെടുത്തു. മീനാകുമാരിയെ നൂറനാട്ടെ സ്വകാര്യ ആശുപത്രിയില് എത്തിച്ചു കയ്യില് പ്ലാസ്റ്ററിട്ടു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment