പതിവുപോലെ അയല്വാസിയും കൂട്ടുകാരനുമായ അഫ്സാനുമൊത്ത് മുഷ്താഖ് സൈക്കിളില് മദ്രസയിലേക്ക് മതപഠനത്തിന് പോകുന്നതിനിടെ റോഡിലെ കല്ലില്കയറി നിയന്ത്രണം വിട്ട് കുളത്തില് വീഴുകയായിരുന്നു. ഒപ്പമുണ്ടായിരുന്ന കുട്ടി അത്ഭുതകരമായി രക്ഷപ്പെട്ടു.
മുഷ്താഖായിരുന്നു സൈക്കിള് ചവിട്ടിയിരുന്നത്. ഇറക്കം ഇറങ്ങിവരുന്നതിനിടെ ഇളകി കിടന്ന കല്ലില് സൈക്കിളിന്റെ മുന്ചക്രം കയറി ബാലന്സ് നഷ്ടപ്പെട്ട മുഷ്താഖ് സൈക്കിളുമായി കുളത്തിലേക്കും അഫ്സാന് റോഡിലും തെറിച്ചുവീണു. മുഷ്താഖ് സൈക്കിളുമായി കുളത്തില് മുങ്ങിതാഴുന്നത് കണ്ട അഫ്സാന് നിലവിളിച്ചതോടുകൂടിയാണ് നാട്ടുകാര് വിവരമറിയുന്നത്. ഉടന് തന്നെ നാട്ടുകാര് കുളത്തില് ചാടി തെരച്ചിലാരംഭിച്ചു. അധികം വൈകാതെ തന്നെ വെള്ളം കുടിച്ച് അബോധാവസ്ഥയിലായ മുഷ്താഖിനെ കണ്ടെത്തി ചിറയിന്കീഴ് താലൂക്ക് ആശുപത്രിയിലെത്തിച്ചെങ്കിലും രക്ഷിക്കാനായില്ല. കൊച്ചാലുംമൂട് എസ്.എസ്.എം സ്കൂളിലെ അഞ്ചാം ക്ളാസ് വിദ്യാര്ത്ഥിയായിരുന്നു മുഷ്താഖ്.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment