40 പാക്കറ്റ്‌ കഞ്ചാവുമായി പിടികൂടിയ യുവാവിനെ പത്തംഗ സംഘം മോചിപ്പിച്ചു

ഉപ്പള: [www.malabarflash.com] 40 പാക്കറ്റ്‌ കഞ്ചാവുമായി എക്‌സൈസ്‌ സംഘം പിടികൂടിയ യുവാവിനെ പത്തോളം യുവാക്കള്‍ ചേര്‍ന്നു മോചിപ്പിച്ചു. ഉപ്പളയില്‍ ഞായറാഴ്ച വൈകിട്ടാണ്‌ സംഭവം. ഉപ്പളയില്‍ ഒരു യുവാവു കഞ്ചാവു വില്‍പ്പന നടത്തുന്നെന്നു വിവരം ലഭിച്ച എക്‌സൈസ്‌ സംഘം സ്ഥലത്തെത്തുകയും കഞ്ചാവു വില്‍പ്പനയില്‍ ഏര്‍പ്പെട്ടിരുന്ന ഹിദായത്തുനഗര്‍ താഹിറ മന്‍സിലിലെ ആരിഫി (25)നെ പിടികൂടുകയുമായിരുന്നു. പരിശോധനയില്‍ ഇയാളില്‍ നിന്നും 40 പാക്കറ്റ്‌ കഞ്ചാവ്‌ പിടികൂടിയതായി എക്‌സൈസ്‌ അധികൃതര്‍ അറിയിച്ചു.
തുടര്‍ന്ന്‌ ഇയാളെ ചോദ്യം ചെയ്യാന്‍ ശ്രമിക്കുന്നതിനിടയില്‍ പത്തോളം യുവാക്കള്‍ എക്‌സൈസ്‌ സംഘത്തെ വളയുകയും ആരിഫിനെ മോചിപ്പിക്കുകയുമായിരുന്നെന്നു കാണികള്‍ പറഞ്ഞു. എക്‌സൈസ്‌ സംഘത്തിന്റെ പിടിയില്‍ നിന്നു രക്ഷപ്പെട്ടുവെന്നതിന്‌ ആരിഫിനെതിരെ കേസെടുത്തു.
എക്‌സൈസ്‌ ഇന്‍സ്‌പെക്‌ടര്‍ എം.ജയകുമാര്‍, അസി.ഇന്‍സ്‌പെക്‌ടര്‍ പവിത്ര എന്നിവരുടെ നേതൃത്വത്തിലാണ്‌ കഞ്ചാവ്‌ പിടികൂടിയത്‌.

Keywords: Uppala, Kasaragod, Crime, Accused, Ganja, Kasaragod News, Kerala Vartha, Malabarflash, Malabar news, Malayalam News