വാട്‌സ്ആപ്പ് നിരോധിക്കണമെന്ന ആവശ്യം സുപ്രിം കോടതി തള്ളി

ന്യൂഡല്‍ഹി: [www.malabarflash.com] വാട്‌സ്ആപ്പ് അടക്കമുള്ള മെസഞ്ചറുകള്‍ നിരോധിക്കണമെന്ന ഹരജി സുപ്രിം കോടതി തള്ളി. എന്‍ഡ്-ടു-എന്‍ഡ് എന്‍ക്രിപ്റ്റഡ് മെസഞ്ചറുകള്‍ തീവ്രവാദികള്‍ക്ക് ഗുണം ചെയ്യുന്നുവെന്നു കാണിച്ചാണ് ഹരജി നല്‍കിയിരുന്നത്. ഹരജി തള്ളിയ കോടതി ഇക്കാര്യത്തില്‍ ടെലകോം തര്‍ക്ക പരിഹാര ട്രൈബ്യൂണലിനെ സമീപിക്കാമെന്ന് ഹരജിക്കാരന് നിര്‍ദേശം നല്‍കി.
ഹരിയാനയിലെ വിവരാവകാശ പ്രവര്‍ത്തകന്‍ സുധീര്‍ യാദവാണ് ഹരജി നല്‍കിയത്. വാട്‌സ്ആപ്പില്‍ 256 ബിറ്റ് എന്‍ക്രിപ്ഷന്‍ സംവിധാനമാണുള്ളതെന്നും ഇതിലൂടെ നടക്കുന്ന ചാറ്റുകള്‍ പുറത്താവില്ലെന്നും ഇത് ദേശീയ സുരക്ഷയെ ബാധിക്കുമെന്നുമാണ് ഹരജിയില്‍ പറയുന്നത്. വാട്‌സ്ആപ്പ് തന്നെ വിചാരിച്ചാല്‍ പോലും സര്‍ക്കാരിന് ഇതു ലഭ്യമാകില്ലെന്നും ഹരജിയില്‍ ചൂണ്ടിക്കാണിക്കുന്നു.

Keywords: National News, Kerala Vartha, Malabarflash, Malabar news, Malayalam News