ജര്‍മനിയില്‍ തിയേറ്ററില്‍ വെടിവെയ്പ്: 50 ഓളം പേര്‍ക്ക് പരിക്കേറ്റു; അക്രമിയെ വധിച്ചു

ഫ്രാങ്ക്ഫുർട്ട്: [www.malabarflash.com] ജർമനിയിൽ ഫ്രാങ്ക്ഫുർട്ടിന് സമീപം വെർനിഹിമിലെ സിനിമ കോംപ്ലക്സിൽ വെടിവയ്പ്പ് നടത്തിയ ആയുധധാരിയെ പൊലീസ് വധിച്ചു. മുഖംമറച്ചെത്തിയ തോക്കുധാരി നടത്തിയ വെടിവയ്പ്പിൽ 20 മുതൽ 50 വരെ ആളുകൾക്ക് പരുക്കേറ്റുവെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. ഇതിൽ കൂടുതൽ പേർക്കും പരുക്കേറ്റത് കണ്ണീർവാതക പ്രയോഗത്തിലാണ്.
പ്രാദേശിക സമയം വൈകീട്ട് മൂന്നു മണിയോടെയാണ് തോക്കുധാരി സിനിമ കോംപ്ലക്സിൽ കയറിയത്. മുഖം മറച്ചിരുന്ന ഇയാളുടെ കയ്യിൽ ഒരു തോക്കും ആയുധങ്ങൾ നിറച്ച ബെൽറ്റുമുണ്ടായിരുന്നു. തുടർന്ന് വെടിയുതിർക്കുകയായിരുന്നു. സംഭവമറിഞ്ഞതിനെ തുടർന്ന് പ്രത്യേക പൊലീസ് സംഘം സ്ഥലത്തെത്തുകയായിരുന്നു. അക്രമിയുടെ ലക്ഷ്യമെന്തായിരുന്നുവെന്ന് വ്യക്തമല്ല.

Keywords: World News, Kerala Vartha, Malabarflash, Malabar news, Malayalam News