പോലീസുകാരെ അക്രമിച്ച കേസില്‍ ബി ജെ പി പ്രവര്‍ത്തകര്‍ കീഴടങ്ങി

ഉദുമ[www.malabarflash.com]: ഉത്സവ പറമ്പില്‍ ഡ്യൂട്ടിക്കെത്തിയ പ്രൊബേഷണല്‍ എസ് ഐയെയും പോലീസുകാരെയും അക്രമിച്ച ബി ജെ പി പ്രവര്‍ത്തകര്‍ കീഴടങ്ങി.

ഉദുമ കൊക്കാലിലെ ശിവകുമാര്‍ (32), ശ്രീജിത്ത് (22), രാഹുല്‍ (26), ഹരീഷ് കുമാര്‍ (37), അച്ചേരിയിലെ പുരുഷോത്തമന്‍ (40) എന്നിവരാണ് പോലീസില്‍ കീഴടങ്ങിയത്. ഇവരെ പിന്നീട് അഡീഷണല്‍ എസ് ഐ ശശിധരന്‍ അറസ്റ്റ് ചെയ്തത് കോടതിയില്‍ ഹാജരാക്കി. കോടതി ഇവരെ റിമാന്റ് ചെയ്തു. 

2016 ഏപ്രില്‍ 7 ന് ഉദുമ കപ്പണക്കാലില്‍ വയനാട്ട് കുലവന്‍ ഉത്സവത്തിനിടിയില്‍ ബി ജെ പി-സി പി എം സംഘര്‍ഷ വിവരമറിഞ്ഞെത്തിയ ബേക്കല്‍ സ്റ്റേഷനിലെ പ്രൊബേഷണല്‍ എസ് ഐ ജിതേഷിനെയും പോലീസുകാരെയും ഒരു സംഘം അക്രമിക്കുകയായിരുന്നു.

ഔദ്യോഗിക കൃത്യനിര്‍വ്വഹണം തടസ്സപ്പെടുത്തിയതിനാണ് ഇവരുടെ പേരില്‍ പോലീസ് കേസെടുത്തത്.

Keywords: Kerala News, Kerala Vartha, Malabarflash, Malabar news, Malayalam News