ശ്രീനഗര്: [www.malabarflash.com] മുറികള് വൃത്തിയാക്കിയില്ല എന്ന കാരണം പറഞ്ഞ് പതിനാറോളം വിദ്യാര്ത്ഥിനികളെ ഹോസ്റ്റല് വാര്ഡന് മര്ദ്ദിച്ചതായി പരാതി. ജമ്മു കശ്മീരിലെ രാജ്ഭാഗിലാണ് സംഭവം. ഗവണ്മെന്റ് സ്കൂള് വിദ്യാര്ത്ഥികളാണ് മര്ദ്ദനത്തിനിരയായത്. വിദ്യാര്ത്ഥികളുടെ മാതാപിതാക്കള് നല്കിയ പരാതിയുടെ അടിസ്ഥാനത്തില് പൊലീസ് കേസെടുത്തിട്ടുണ്ട്. ഇതിന്റെ പശ്ചാത്തലത്തില് ഹോസ്റ്റല് വാര്ഡനെ അധികൃതര് സസ്പെന്ഡ് ചെയ്തു.
ഇക്കഴിഞ്ഞ വ്യാഴാഴ്ചയാണ് സംഭവം നടക്കുന്നത്. വിദ്യാര്ത്ഥിനികളുെട മാതാപിതാക്കള് പരാതിയുമായി രംഗത്തെത്തിയതോടെയാണ് സംഭവം പുറത്തറിയുന്നത്. രണ്ട് വിദ്യാര്ത്ഥികള്ക്ക് സാരമായി പരിക്കേറ്റിട്ടുണ്ട്. ഇവരുടെ കൈക്കാണ് പരിക്കേറ്റത്. ആശുപത്രിയില് ചികിത്സയ്ക്ക് ശേഷം വിദ്യാര്ത്ഥികള് മടങ്ങി.
Keywords: National News, Kerala Vartha, Malabarflash, Malabar news, Malayalam News
No comments:
Post a Comment