യുവിയുടെ സൺഗ്ലാസിലുള്ള സുന്ദരി ആര്?

ന്യൂഡൽഹി: [www.malabarflash.com] ഇന്ത്യൻ ക്രിക്കറ്റ് താരം യുവരാജ് സിങ് സമൂഹമാധ്യമത്തിൽ പോസ്റ്റ് ചെയ്ത ചിത്രം ശ്രദ്ധ നേടുന്നു. യുവി മാത്രമല്ല ചിത്രത്തിലുള്ളത് എന്നതാണ് പ്രത്യേകത. യുവരാജിന്റെ സൺഗ്ലാസിൽ ബോളിവുഡ് നടിയും മോഡലുമായ ഹേസൽ കീച്ചിന്റെ പുഞ്ചിരിയും പതിഞ്ഞിട്ടുണ്ട്.
'മനോഹരമായ പുഞ്ചിരി ഹേസൽ കീച്ച്' എന്ന അടിക്കുറിപ്പോടെയാണ് യുവി ചിത്രം പോസ്റ്റ് ചെയ്തത്. ഇരുവരുടെയും വിവാഹം നിശ്ചയിച്ചതായാണ് റിപ്പോർട്ടുകൾ. ചണ്ഡീഗഡിലെ ഹൻസാലിവാലെ ഗുരുദ്വാരയിൽവച്ചാകും ഔദ്യോഗിക വിവാഹ ചടങ്ങുകൾ എന്നാണ് മുൻപ് അറിയിച്ചത്. നേരത്തെയും ഇരുവരുടെയും ചിത്രങ്ങൾ താരം സമൂഹമാധ്യമങ്ങളിൽ പോസ്റ്റ് ചെയ്തിരുന്നു.
ബ്രിട്ടിഷ്–ഇന്ത്യൻ വംശജയായ ഹേസൽ ഏതാനും ഹിന്ദി സിനിമകളിലും പരസ്യങ്ങളിലും അഭിനയിച്ചിട്ടുണ്ട്. ഇന്ത്യൻ ടീമിൽ സഹതാരമായിരുന്ന ഹർഭജൻ സിങ്ങിന്റെ വിവാഹത്തിനു യുവരാജ് ഹേസലുമായി എത്തിയതോടെയാണ് ഇരുവരുമായുള്ള ബന്ധം പരസ്യമായത്.

Keywords: News, Kerala Vartha, Malabarflash, Malabar news, Malayalam News