ഹരിയാന: [www.malabarflash.com] മൂന്ന് വര്‍ഷം മുന്‍പ് നടന്ന ബലാത്സംഗവുമായി ബന്ധപ്പെട്ട് നല്‍കിയ കേസ് പിന്‍വലിക്കാത്തതിന് ജാമ്യത്തിലിറങ്ങിയ പ്രതികള്‍ യുവതിയെ വീണ്ടും കൂട്ടബലാത്സംഗത്തിന് ഇരയാക്കി. ഹരിയാനയിലെ റോത്തേക്കിലാണ് സംഭവം. അഞ്ചംഗ സംഘമാണ് ദലിത് കോളേജിലെ രണ്ടാം വര്‍ഷ വിദ്യാര്‍ത്ഥിനിയെ പകപോക്കലിന്റെ ഭാഗമായി ബലാത്സംഗം ചെയ്തത്. പെണ്‍കുട്ടി ഇപ്പോള്‍ റോത്തേക്കിലെ സര്‍ക്കാര്‍ ആശുപത്രിയില്‍ ചികിത്സയിലാണ്.
പെണ്‍കുട്ടി വീട്ടിലേക്ക് വരുന്ന വഴിയില്‍ കാത്തുനിന്നാണ് പ്രതികള്‍ തട്ടിക്കൊണ്ടുപോയത്. മൂന്ന് പേര്‍ കാറിനുള്ളിലും രണ്ട് പേര്‍ വെളിയിലുമായിട്ടാണ് നിന്നിരുന്നത്. ബലാത്സംഗം ചെയ്ത ശേഷം പെണ്‍കുട്ടിയെ സംഘം കുറ്റിക്കാട്ടില്‍ തള്ളുകയായിരുന്നു. പ്രതികള്‍ എല്ലാവരും ഉയര്‍ന്ന ജാതിയില്‍പ്പെട്ടവരാണ്.
കേസ് പിന്‍വലിക്കണമെന്നുള്ള പ്രതികളുടെ നിരന്തരമായ ഭീഷണി ഭയന്ന് സ്വദേശമായ ഭിവാനി വിട്ട് റോത്തേക്കിലാണ് താമസം മാറ്റുകയായിരുന്നു വിദ്യാര്‍ത്ഥിനിയും കുടുംബവും. 2013 ലെ സംഭവത്തിന് ശേഷം പ്രതികളില്‍ നിന്നും തങ്ങളുടെ ജീവന്‍ രക്ഷിക്കുന്നതിനായാണ് റോത്തേക്കിലേക്ക് താമസം മാറ്റിയതെന്ന് കുട്ടിയുടെ അമ്മ പറഞ്ഞു. പ്രതികളെ എത്രയും വേഗം പിടികൂടണമെന്നും അവര്‍ ആവശ്യപ്പെട്ടു.
Keywords: National News, Kerala Vartha, Malabarflash, Malabar news, Malayalam News
No comments:
Post a Comment